لاذت وره الباب يا مريم فاطمة الزهرة (مكتوبة) - باسم الكربلائي
منذ ١١ سنة٣.٢Kمشاهده|1
القصيدة : لاذت ورة الباب
الشاعر : الادیب السید سعید الصافی الرمیثی
الرادود : الحاج ملا باسم الکربلائی
لاذت ورة الباب يمريم فاطمة الزهرة
روح الله مذبوح وكع من شدة العصرة
منهم كل الاسباب ناس الكالوا اصحاب
******
يمريم من عطش غصن النبوة شرب من دمعه البضعه وتروى
كبل آدم كبل تكوين حوة رسول المرحمة بأخلاقه ضوة
بذر ومخلوق محمد من قبل عيسى ما يحصل اشكال اذا بالمحسن نقيسة
جهلوا علم الاصلاب ناس الكالو اصحاب
******
أثر من قدرة الباري العظيمة تنقل بين الاصلاب الكريمة
يمريم يا الف وسفه وهضيمة دفع باب المجد جف الجريمة
نعذرهم نقول لونهم ما يعرفوهه بنت اشرف الناس عجيبة ما يحشموهه
لمن دفعوا الباب ناس الكالوا اصحاب
******
يمريم فاطمة اليسمع خبرها يجلها ينحني لهيبة قدرها
ورة الباب التجت رادت سترها واجه الظالم على الحايط عصرها
من طاحت تصيح يحيدريا علي الحكلي ضلعي يكرار تصوب وانفكدطفلي
كلبي يا علي انصاب ناس الكالوا اصحاب
******
الج من فتحت النخلة قلبها عليج انهال يا مريم رطبها
لجن وي فاطمة تحول حطبها مصيبة ونار ظل يسعر لهبها
زينب يكولون صغيرة ولاذت بامها ماتدري بالنار لهبها يوصل خيمها
شعلوا نار المصاب ناس الكالوا اصحاب
******
جذع بالنخلة من ينهزطبعها ثمر تمطر على الرايد نفعها
لجن باب الوديعة انهز جذعها عصرها بلا رحم صوب ضلعها
والحاقد اردود اجاها برمحه يطعنها من بعد المصاب فجعها الغالي محسنها
ليش انكلبوا اذياب ناس الكالوا اصحاب
******
يمريم لو تكولين الزجية وديعة حيدرة حامي الحمية
ابو القاسم رسول الله ونبية جتف عقد الولة بحبل الوصية
معقولة موجود علي وما واحد يهابة بس همه يدرون تبلد سيفة بكرابة
ضمنوا هذا الحساب ناس الكالوا اصحاب
******
فجايعنا بسبب اول فجيعه ورثنا الحزن كله من الوديعه
ابنها انكسر ظهرة على الشريعه وعلى الجفوفه انذبح ضامي رضيعه
دارت على حسين نفسها الدارت على امه علغبرة خلوا ذبيح وسابح بدمه
سنوا نهج الارهاب ناس الكالوا اصحاب
التعلیقات