حيرني رأس حسين (مكتوبة) - باسم الكربلائي

قصيدة : شـابـح عـلـيَّ الـعين... حيرني راس حسين
الشاعر : السيد سعيد الصافي الرميثي

الرادود : الحاج ملا بلاسم الكربلائی

شـابـح عـلـيَّ الـعين... حيرني راس حسين
فـوق الـرمـح مرفوع...ما خله عندي إدموع

******

يـا أخـت بـالدنيه مثلي راس إخوها اوياها يبره
تـبـجـي و يهيج حزنها زينب إخته إشما تنظره
مـوقـف الـصـوب قلبها تنضم كلما تذكره
شـافـت الـشـمر اليذبحه لمن إتثنه إعله صدره
و بـخـنـجـره الـمسموم...حز منحر المظلوم
و الـخـنـصر المقطوع...ما خله عندي إدموع

******

أبـدي مـن لـيـلة وداعه من رحت عنه سبيه
و آنـه عـالـنـاقه و أشوفه امسلبه جثته الرميه
أعـتـذر مـنـك يـخويه فرقتك تصعب عليه
امـقـيـده عـنك خذوني و آنه يبن أمي اشبديه
لـو بـيـدي أظـل وياك...صبح و مسه أنعاك
ابـلـوعة قلب مفجوع...ما خله عندي إدموع

******

عـيـلـتك مو عن محنه اعله الجثث من مرروها
غـايـه جـانت عن شماته و جم مصيبه الجددوها
بـيـن الـتـخـاطب إبنها و بين لتعاتب إبوها
و آنه صديت الجفيلي قلت إله شوف إختك سبوها
إعـتـابـي صـعب يا ناس...يجرح قلب عباس
إبـعـيـن الإخو مطبوع...ما خله عندي إدموع

******

حـيـرتـي ما ظن مثلها ابكل زمن موجوده حيره
يـلعب السوط اعله متني عقب إخوتي الكلها غيره
و الـدلـيل اليحدي ضعني ابلايا رحمه إيجد مسيره
زيـنـب الـعـباس أخوها يا هو ليصدق أسيره
بـس الـعـلـيـل إويـاي...كثر عليه إبجاي
ابـون الـفـلا مسموع...ما خله عندي إدموع

******

مـوتـي لـو ألـقه اليبيعه و الله يا ناس إشتريته
مـن كـثـر لوعت مصابي شوفي وي دمعي بجيته
مـا غـمـض جـفن الملامه بالسهر دربي قضيته
ضـعـن لـطفال الفجعني و الإخو أذكر وصيته
يـا عـمـه هذا يصيح ...و ذاك الأخاف إيطيح
مـن الـسـيـاط إيلوع...ما خله عندي إدموع

******

لـمـن الـكـوفه إدخلتها بيت إبوي إقبالي شفته
جـان إبـوي الـوالي بيها و الخدر و العز ذكرته
لـلـغـري نـاظـر سـؤالي من بعد لمن شبحته
إمـجـتـفـه الـقصر الإماره يا علي تقبل دخلته
مـتـشـمـت إبـن إزيـاد...حزني عليه إنعاد
إبـصـدره الحقد مجموع...ما خله عندي إدموع

******

مـا جـره اعـلـه أحد محاله إبسبي اللي جرالي
حـنـت الـناقه عليه و هلت الدمعه اعله حالي
زيـنـب الـمـحـد سمعني و لا قدر ينظر خيالي
لـنـي مـحتاره و غريبه بت علي و ما عندي والي
و إقـبـالـي أشوف يزيد...يهضمني قصده إيريد
إبـدافـع بـغض مدفوع...ما خله عندي إدموع