تحيرني تذكرني ياجابر لاتناشدني (مكتوبة) - نزار القطري
منذ ١١ سنة٦٦١مشاهده
الشاعر : الأديب السيد سعيد الصافي الرميثي
تحيرني وتذكرني يجابر لاتناشدني
******
يجابرهيجت حزني يجابر كلبي ذكرته
عليمن تنشد وماظن مثل ضيم الذي شفته
عتابك زيد آلامي يعمي وحيلي هدمته
دفنت احسين أبويه اشلون وبديه ابكبره نزلته
وكلف وضعي ويهل دمعي
وحيد ومن يساعدني
تحيرني وتذكرني يجابر لاتناشدني
******
يجابر مرمي من شفته هويت اعليه أشمنه
وابد ما تنعد اجروحه وحرت ياجرح أضمدنه
يجابرجسمه الموذر كمت بجفوفي ألمنه
واشوف اضلوعه مهشومه يجابر خاف ألجمنه
انشده فكري وحرت بامري
عليل وجرحي ضاهدني
تحيرني وتذكرني يجابر لاتناشدني
******
شفت بعيوني يجابر شبيه المصطفه الأكبر
ذبيح وبالدمه امخضب واعاين جسمه الموذر
يجابر من كمت منه وحك جدي علي حيدر
توجيت اعله وجه الكاع ردت أنهض لجن مكدر
انحنه ظهري ونفذ صبري
أخويه وفكده بيدني
تحيرني وتذكرني يجابر لاتناشدني
******
وشفت لمن وكع عمي الجفيل وكطعوا الجفين
تعنه الخمية العباس ابظهر محني أبويه احسين
وعمدها الطيحه بيده وجذب حسره وتهل العين
واشوفن والدي ابحيره وحيد ابولية الصوبين
انكطع نحره انهشم صدره
الخطر اصبح يهددني
تحيرني وتذكرني يجابر لاتناشدني
******
يجابر قصتي قصه تيحير أهل الفكر بيه
الك من ياكتر أبدي لون ياجابر احجيه
مسيت العاشر اذكرها والعيال اشجره اعليه
خيم حركوه والتهبت عليل اشلون أطفيه
وخيم شبت وحرم هجت
واشوف النار ال تدي
تحيرني وتذكرني يجابر لاتناشدني
******
تذكرني ويهل دمعي عله الوجنه شبيه السيل
ورماني جم سهم ظالم واحسنه يهدم الحيل
شفت ايتام ابويه احسين يجابر ساحكته الخيل
وشفت عيله يضربوه والمن تنشد ابها الليل
وشفت زينب غدت تنحب
تنادي خويه شاهدني
تحيرني وتذكرني يجابر لاتناشدني
التعلیقات