جيتك والحاجه ابجفيني‬ (مكتوبة) - باسم الكربلائي

قصيدة : جيتك و الحاجه ابجفيني

للشاعر : ميرزا عادل أشكناني

الرادود : الحاج ملا باسم الكربلائی

جيتك و الحاجه ابجفيني
******
حاجاتي   اشما   تثقل   بيه...أقصد   ليك   بهاي   النيه
و  أدريها  بإسمك  مقضيه...يا  حبل  الله  البينه  و  بيني
******
و شما يصعب حالي و يشتد ...انت الباب و ليك المقصد
و  من  أصرخ  يا  سيد  محمد...تسمعني و أدري اتلبيني
******
مو  مره  و  مرتين  و  عشره...جرب  للحاجه  المتعّسره
و  اعليك  امن أقسم بالزهره ...اتمد جفك ليه و تنطيني
******
أول  حاجه  الجيت  أدعيها  ...و الباري بجاهك يقضيها
ايفرج   عالأمه   بمهديها   ...و  بالغايب  تتكحل  عيني
******
من   يبدي   المهدي  بثاراته...ذكره  بأمر  الما  ظن  فاته
خل    ينقذ    مرقد    عماته...للشام    اوياه    ايوديني
******
زينب   بالشام   الوحّدها...خل   ينهض  يحرس  مرقدها
للساعه  و  دمعتها  بخدها...تصرخ  وين  اللي  ايحاميني