غيرتك برهانك رايتك عنوانك (مكتوبة) - باسم الكربلائي

قصيدة : غيرتك برهانك...رايتك عنوانك

للشاعر : السيد سعيد الصافي الرميثي

الرادود : الحاج ملا باسم الكربلائی

غيرتك      برهانك...رايتك      عنوانك
******
رايتك   راية   محمد   راية   الدين   المجيد
رفّت و سر الله بيها و العرش صار إلها إيد
من  يهزها الريح تشتد ترفض إقرار العبيد
يا  عميد الجيش تسلم بالحرب نِعم العميد
من    تطب   ميدانك...رايتك   عنوانك
******
راية   العز   و   الكرامه   بالنصر  خفاقه
و   النعم  من  الحملها  إويه  الزلم  يتلاقه
كل  زمن  لامع  إسمها  و  بالفخر سّباقه
يسلم    الجف    الرفعها   نادته   عشاقه
شافتك     عدوانك...رايتك     عنوانك
******
من  يقول  الرايه  طاحت  يمنتك مقطوعه
الهسه  بإسمك  يا بو فاضل عالنهر مرفوعه
شفنه   يا   عباس   بيها  غيرتك  مطبوعه
رفت  إبرغم  المصيبه  بالعدو  و  إجموعه
جسّدت      إيمانك...رايتك     عنوانك
******
آنا  أحلف  يبو  فاضل رايتك ما طاحت
أعله   من   نجم   الثريه   بالمعاره  لاحت
إبقدرته  الخالق  رفعها و العساكر صاحت
منك  المهدي  إستلمها  همتك  ما راحت
عن   صدق  وجدانك...رايتك  عنوانك