دمك
القصيدة : دمك ودم إسماعيل مكتوبة
الشاعر : ناظم الحاشي
الرادود : الحاج ملا باسم الكربلائي
دمّك و دم اسماعيل خلاهن بميزانه
واختار دمك يـَ حسين رب العرش قربانه
******
قربان لِـ الدين الحنيف اختارك
و بدمك الإسلام كله تبارك
سمّاك ثاره و راد ياخذ ثارك
وانت الفدائي الـْ ماعرفنه أسرارك
طير النبوة الـْ بالغار لاذ النبي بجنحانه
واختار دمك يـَ حسين رب العرش قربانه
******
يـَ حسين حزنك لاتظن ناسينه
يا قطعة سودة شوفها تبجينه
كلما بعدنا بحضرته تلقينه
صوت بضريحك سيدي ينادينه
واقف نشوفك بالباب يـَ حسين تتلقانه
واختار دمك يـَ حسين رب العرش قربانه
******
باسمك دعاة الفتنة نتحداها
كل السهام بدمنا تلقاها
هاي الشعاير منحرك سواها
ونعرف نهاية كل شخص عاداها
نعرف الـْ عاداك بسيف و الـْ حاربك بلسانه
واختار دمك يـَ حسين رب العرش قربانه
******
اعذرنه يا مولاي لو قصرنه
نشعر قليل شما إلك قدمنه
و قبال دمك ماكو قيمة لـْ دمنه
يـَ حسين طفّك ع الشرف علمنه
علمنه طف الأحرار نهج النبي و قرآنه
و اختار دمك يـَ حسين رب العرش قربانه
******
جبناها بالدم مو سهل جبناها
و أرواح لأجل حسين قدمناها
فتوى النواصب بالوحل دسناها
و الـْ عادتك يـَ حسين عاديناها
ربحت الـْ صارت وياك والـْ عادتك خسرانة
واختار دمك يـَ حسين رب العرش قربانه
******
يا ناس عين الـْ مابجت مذلوله
و حسين هذا شلون ماتبجوا له
الـْ عادى الشعاير يابشر قولوا له
صومه وصلاته و حجته مامقبوله
يوم الحشر وين يروح من حيدرة الـْ عادانه
واختار دمك يـَ حسين رب العرش قربانه
التعلیقات