يبني جرح قلبي الدهر
قصيدة : يبني جرح قلبي الدهر
للشاعر : السيد سعيد الصافي الرميثي
الرادود : الحاج ملا باسم الكربلائی
يبني جرح قلبي الدهر ...وني جزع منه الصخر
عيني على درب السفر
******
أم البنين اويه الدهر طوّل عتبها
من قطع من غصن الأمل ثمرة تعبها
فارق جسدها و بالضعن حمّل قلبها
مو بالبنين ابمهجة الزهرة نكبها
دمعي فلا ينشف بعد ...ليلي إذا مرني أشد
جرحي مثل همي كُبر
******
لو ردت مني يا دهر تاخذ بنيني
وياك إخذ من القلب شوقي و حنيني
لو جان جرحت خاطرك حسرة ونيني
أولادي خمسه و ردت بس واحد يجيني
قلبي عله حسين ابوجل ...عندي بعد ما ظل أمل
راحوا و لا بيّن خبر
******
خلف الضعن لمن صحت بالله إرحموني
يولادي آنا الوالدة و لا تتركوني
بيكم أمل جيه بعد لو ما تجوني
لضيوفكم شنطي عذر لو ناشدوني
خالي صبح دار الكرم ...يبجي على أهل الشيم
وسفه بعد ذاك الفخر
******
و إلسان حال إبن الوصي رجّع جوابي
يم البنين الصابرة ايطول غيابي
و إنتظري لو رد للوطن ناعي مصابي
يوليدي قلت له اعله الدهر لومي و عتابي
عمري فده العمرك صحت ...صبري صعب لمن رحت
دمي لون يبني إنهدر
******
جني أشوفك عالنهر طولك حنيته
عباس أخوك امقطعه اجفوفه لقيته
و ابجدم يعثر للخيم دربك مشيته
و اتصيح يا وسفه إنهدم سور البنيته
روحي بقت يم الإخو ...وحدي تركني اويه العدو
ظلمه السمه بعد القمر
******
لو بيدي يوليدي ضفت عمري اعله عمرك
نحري إنقطع يبني عسن من دون نحرك
و الخيل صدري اتهشمه من قبل صدرك
ظهري انحنه من غيبتك يالمحني ظهرك
نوحي بعد ما ينقطع ...يجري من اعيوني الدمع
يترك عله إخدودي أثر
التعلیقات