عد حبيب الراية
قصيدة : عد حبيب الرايه
الشاعر : وسام الشويلي
الرادود : الحاج ملا باسم الكربلائی
عد حبيب الرايه...بالعهد وفّايه
إحنه أنصارك و كلمتنه عهد
عدنه ويه التضحيه بالطف وعد
الكربله للموت واحدنه استعد
نصرتك جانت حلم من المهد
إنت الغايه إنت الغايه...بالعهد وفّايه
******
صوتنه يحسين بالطف معتلي
و القضيه لا ولي إلا علي
إنريد يتجدد عهدنه الأولي
و الخلافة إتكون مو للجاهلي
نقره بالطف آيه...بالعهد وفّايه
******
إنت تسمع و الخصم هم يستمع
صيحة الحق يا لثارات الضلع
النصر هاليوم بالدم ينصنع
و النحر ينزف شرف من ينقطع
كلمة الحق آيه...بالعهد وفّايه
******
كربله هذي و نذوب ابكربله
الموته وحده و المنايه امسجله
يا هله بالموت لجلك يا هله
ما نذل هيهات صوت الدم عله
للمجد شرايه...بالعهد وفّايه
التعلیقات