هاك اخذ مكتوب ابوك وقبلة (مكتوبة) - باسم الكربلائي

قصيدة : هاك   إخذ  مكتوب  أبوك  و  قبّله

الشاعر : علي الخفاجي

الرادود : الحاج ملا باسم الكربلائی

هاك   إخذ  مكتوب  أبوك  و  قبّله...يبني  لا  تنسه  وصيته  ابكربله
******
جسام        يبن        الحسن...        جسام       يبن       الحسن
******
يبني  وصاك الحسن يوم الطفوف ...لو شفت عمك وقف بين الصفوف
شيل  دمك  و  إصرخ ابوجه السيوف ...بالدمع هاي الوصيه امسجله
******
هذا   أبوك   و   رابع   أصحاب  العبه...أمعن  النظره  بوصية  المجتبه
يبني   روح  إتخضب  إبدم  الإبه...هذا  صوت  حسين  بالحومه  اعتله
******
أرد   أزفك   للشهاده   ابفرحتي...لا   يهمك  جرح  قلبي  و  دمعتي
انت  روحي  و  انت  كلشي  بدنيتي...جيت  أوصيك  بمدامع هامله
******
يفيض  شوقي و ينسعد بيك القلب...من أشوفك واقف بساحة حرب
ودّع   أمك   يبني   بديار   الغرب   ...و  انت  يجسام  كلك  مرجله
******
اكتاب أبوك ابكربله منك يريد...اتضحي روحك لو شفت عمك وحيد
يبني   جرّد   سيفك   و   إلعن   يزيد  ...نول  بالتاريخ  أشرف  منزله
******
انت حر و صرخة الحر ما تموت ...يسحق ابجدمه الخطر و اعليه يفوت
بالحرايب  يبقه  صوتك  أعله  صوت  ...و  آنا  أريدك زود أبوك اتمثله
******
يبني  هذا  اليوم  تنصر  فاطمه  ...يبقه  سيفك  شاهد  اعله  الملحمه
لو  تلاهب  جبدك  ابنار  الضمه  ...صيح  يوليدي العطش يا مسهله
******
فارس  انت  و  للخيم  ترجع  محال...و الحرب يا جاسم اتريد الرجال
هذا             أبوك            المجتبه            ايقلك            تعال