آيبني (مكتوبة) - باسم الكربلائي
منذ ١٠ سنوات٦٥١مشاهده
قصیدة : آیبنی
الرادود : الحاج باسم الكربلائي
الشاعر : سيد عبدالخالق المحنة
في هيئة شباب العباس ( ايران - قم المقدسة )
و حق الطاعته الأفلاك كلها و سارت بأمره
أظل للموت أنوح إعليك ما أنسه يبو العتره
مظلوم يبن الزهره...محروم يبن الزهره
******
أنا و أم البنين اليوم نصيح إبعين سجابه
نلطم عالصدر و إنقول آه يحسين و إمصابه
و اليسأل يريد إجواب يوم المحشر إجوابه
نظل للآخر الأنفاس...نصيح حسين يا عباس
و خل إيسيل دم الراس
ما يطفه الجمر يحسين كل جمرته إبصدره
******
أنا و أم القمر يحسين بجينه إعليك دمعه و دم
كل يوم اليمر عاشور نصبنه إبكل قلب مأتم
فلا ننسه يبو السجاد لأن كل يوم نتألم
عاشورك عمر مو يوم ...دمعه إبكل جفن مرسوم
نصيح إبصوت يا مظلوم
و نعرف تحضر إويانه أمك فاطمه الزهره
******
أمك فاطمه تحضر ظهرها من الحزن محني
إحنه إنصيح آه يحسين و هيه إتصيح آه يبني
تلطم عالضلع و إتقول مصاب حسين عذبني
يبني الما شربت الماي...أنحب و الدمع سلواي
هاي أم البنين إوياي
مثل جرحي جرحها إعليك و مثلي تسجب العبره
******
أنا و أم البنين إنزور و أحبابك نمر بيهم
عله إمصابك يضي عيناي يواسونه و نواسيهم
نحضر كل مجالسهم و إنسجل أساميهم
هاي أطباع شيعتنه...يبجون المصيبتنه
يموتون إعله محبتنه
و الراد إعله حبنه إيموت وعد بالمحشر إنحضره
******
وفاء أم البنين إوياي أوصفه و تعجز أوصافي
ضحت أربعه لجلك بعدهي إتقول مو كافي
يا أم المثلها إتصير وين التقدر إتوافي
ضحت بالقمر يحسين ...و ما ناحت عله الجفين
ما همها السهم بالعين
كل همها إعله أبو السجاد بلكي إيعود منتظره
******
يوم الصاح إبن حذلم إجت بالآه تتعثر
لا تخبرني عن عباس سألتك وين أبو الأكبر
بجه و ناداها راح حسين و جسمه إبكربله إتوذر
صاحت هلت أحزاني...إلك يا الما إلك ثاني
فدوه الأربعه و آني
آني إشلون أنام الليل و حسين إنقطع نحره
التعلیقات