زوارک اجو یا موسی بن جعفر (مكتوبة) - باسم الكربلائي

قصيدة : زوارك   إجو   يا   موسه   بن  جعفر

للشاعر : علي الخفاجي

الرادود : الحاج ملا باسم الكربلائی

زوارك   إجو   يا   موسه   بن  جعفر...يمنعهم  ألف  حجاج  ما  يقدر

مكتوب           فوق          الرايه...أحرار          يا          مشايه
******
زحف للكاظميه طلعت الزوار...من كل صوب إجت متعنيه من كل دار
كل  شيعي  ركض  و بصدره لاقه النار...و ما يهتم لون كل يوم يتفجر
******
مواكب   للطم   و   الخدمة   منصوبه...و  الزاير  يجي  و  يتعنه  محبوبه
يم   باب  الحوائج  تنمحي  إذنوبه...العاشق  عن  حبيبه  إشلون  يتأخر
******
وينك   يالرشيد  إشعندك  من  أحفاد...طغيانك  يهارون  اللعين  إشفاد
عليك  إتدوس  إجت زوار أسد بغداد...متبرعه إبعمرها و ترخص المنحر
******
جسم   الرافضي   يالرايد  إتفجره...يا  موسه  بن  جعفر  يهتف  بنحره
و  الله  إتقوم  وذره  إتحشم  إبوذره...ما  تنهون  هذا  الصوت للمحشر
******
يصحاب   السقيفه   الخانت   العتره...ما   نتركها  إلكم  سطرة  الزهره
و    الجف    التماده   لازم   إنبتره...خلصنه   العمر   للثار   نتحضر