روح وخواطر (مكتوبة) - باسم الكربلائي

موشحات : ويـن  أروح ألـغـيـر بـابـك
الشاعر : علي السقاي

الرادود : الحاج ملا باسم الکربلائی

 

ويـن  أروح ألـغـيـر بـابـك ويـن أروح ... يلي حبك بلسم ألكل الجروح
أنــثـر رمـوشـي أعـلـه أعـتـاب الـشـرف ... يـمـك إجـيـت
يـالـحـسـن ولـسـانـي صـرّح وأعـتـرف ... بـيـك إلـتـجـيت
******
حـبـك  أحـيـاني  بشعوري أشلون محيه ... عقـلي من جن أبجلالك زاد وعيه
يـلـوجـودك عـجـزت أتـنافيه خفـيه ... عميه عين ألما يشوفك و الله عميه
كـل  مـن  ألـبـابك سعه ما خاب سعيه ... بيك يضمن آخره ويضمنها دنيـه
مـا يـخـيـب ألـيـمتلك مثلك حبيب ... يلجـروح أتـغازلك أروع طبيب
أمـحـبـتـك روح أبـجـسـم روح ألـهـتـف ... بـيـهـا أحـتـييت
يـلـحـسـن ولـسـانـي صـرّح وأعـتـرف ... بـيـك ألـتـجـيت
******
مـلـجأي  أوراده أعوفه أشلون أكابر ... وآنـه عمـري ما كنت عنك أغـادر
حـبـك أمضي لو زرع دربك خناجر ... أمشي جسمي وأوصلك روح و خواطر
لـحّـد يلوم الـذي حبك يسـاهـر ... على أعتـابك ينـثر رموش النـواظر
يـا  سـهـر  ليل ألتواصل بالنهــار ... ليـك أحن و من حنيني أعليك أغـار
حــقــي مـن كـثـر الـمـحـبـة لـو ذرف ... دمـعـي أوبـﭽيـت
يـلـحـسـن ولـسـانـي صـرّح وأعـتـرف ... بـيـك إلـتـجـيت
******
مـثـل أوراق الـشـجر عشت أبربيعك ... وأعله كل قطرة ندى أشكر صنيعك
الـعـمـر  أبـيعه وعمري ما أفكر أبيعك ... عبــدك آنه أبأمرك اونهيه أطيعك
لـو تـفـتـش قلبي يامُهجة وديعـك ... تلقى شخصك ساكنه أوقلبي بقـيعك
ﭽذب  عـن قـلـبـي أحـسنّـك بعيد ... وأنتـه أقـرب ليّه مِن حبل الوريد
هـذي  كـل نـبـضـاتـي سـابـيـهـا الـشـغـف ... وآنـه أنسبيت
يـلـحـسـن ولـسـانـي صـرّح وأعـتـرف ... بـيـك إلـتـجـيت
******
أنـتـه مـن كـنز الجلالة مبني صرحك ... أنته كـاف اونون أمره عرّفني منحك
بـالكرم  واضح بعد واشلون أوضحك ... أخاف أحجي أبـﭽلمة وألساني يجرحك
بالسحب  لو ردت أشبهك ما أمدحـك ... هيه تعطي تبجي وأنته تـعطي تضحك
يا كـريم وحبـك أعظم كل عطـاء ... مـا أبـدله حتى بـنـجوم السمــاء
ســيـدي وبـكـل ثـمـن غـالـي أنـعـرف ... لا مـا ارتـضـيـت
يـلـحـسـن ولـسـانـي صـرّح وأعـتـرف ... بـيـك إلـتـجـيت