جينة مشاية (مكتوبة) - باسم الكربلائي
منذ ١٠ سنوات٣.١Kمشاهده
قصيدة : جينا مشاية
للشاعر : عبدالخالق المحنة
الرادود : الحاج ملا باسم الکربلائي
ما نستراح ونسرع بممشانا
خولة ورقية وفاطمة ويانا
ياعباس رفت الراية
ياعباس جينه مشاية
******
يالله يا أطفال الوفا شيلوا رايتنا
حتى الملايك تزدحم وي مسيرتنا
خطوة رقية بالمشي بطول خطوتنا
لو نستراح من التعب قوموا نادتنا
على الراس واحنا وفاية
يا عباس جينه مشاية
******
نمشي ويسامرنا الدمع والدرب حسرة
بكل موكب نشاهد أثر لدمعة الزهرة
وي كل طفل شفنا الحسن بأول النظرة
ويقله أبني بهالعمر وانقطع نحره
والإحساس دمعة وحجاية
ياعباس جينه مشايه
******
استقبلنا حيدر بالنجف ما يضيعنا
الحد ما وصلنا لكربلا ظل يتابعنا
لمن اجه علي الأكبر بيده ودعنا
نقرا شعارات المشي هوا يسمعنا
ولا باس نتعب اهوايه
يا عباس جينه مشايه
******
كل خطوة نمشي نستمع يا هلا بيكم
ياللي قصدتونا مشي الله يحميكم
وعيون ابو فاضل شابحه اعليكم
جف الحمايتكم بقى وجف يحييكم
يا هالناس انتوا بحمايه
يا عباس جينا مشايه
******
يالرافع الراية انتبه لا تنزلها
زينب تباوع لك تظل ويا كافلها
وتقلك يحرسك علي ياللي شايلها
هالراية تجرح ناظري من اصد إلها
والإحساس كسرة أمرايه
ياعباس جينا مشايه
التعلیقات
١