إنت لروحي أحتاجك أنفاس (مكتوبة) - باسم الكربلائي

قصيدة : إنت  لروحي  أحتاجك  أنفاس

الشاعر : الشيخ وسام الشويلي

الرادود : الحاج ملا باسم الکربلائي

 

إنت  لروحي  أحتاجك  أنفاس  ،  آيات  الحب  وأقراك بإحساس
آنا  بدونك  لا  دنيه  ولا  دين  ،  بيك  أتذوق طعم الحب يحسين
منك  أرسل  نغمة  لكل  الناس  ،  آيات  الحب وأقراك بإحساس
******
وياك  أحجي  يحسين  بلا  صوت  ،  آية  عشقك ما يقراها الموت
أسأل  غيري  يعشق  غيرك  ليش  ، شنهي الدنيه لو ما إنت تعيش
روح  الحبك  ترفض  أي  تابوت  ،  آية  عشقك  ما يقراها الموت
******
الإنسانية   تحتاجك   كل   يوم   ،  والما  يفهم  تضحيتك  محروم
دمك  يجري  يحفظ  دم  الناس  ،  راسك  يرفض واحد يقطع راس
ضد   الظالم   نهجك  يا  مظلوم  ،  والما  يفهم  تضحيتك  محروم
******
طفلك  ظامي  بس  مو قصة ماي ، مثل الوردة بأحضانك مولاي
إليذبح  وردة  ما  يزرع  بس  شوك  ،  لولا  اعدائك بالنبلة تلقوك
دم  عبدالله  بيه  آيات  أهواي  ،  مثل  الوردة  بأحضانك مولاي
******
دم  المنحر  بيه  أجمل  تعبير  ،  جان  الخنصر  يرسم  حب  الغير
تجري  دموعك  حتى  إعلى  الذبحوك  ،  يا  بوالرحمة هنيال الحبوك
بهاي   الرقة   يحتار  التفسير  ،  جان  الخنصر  يرسم  حب  الغير
******
داسو صدرك بلكي الحق يضيع ، صوت ضلوعك ظل يقرا التشريع
قطعوا  راسك  حتى  الرحمة  تموت ، لكن زينب ظلت هيا الصوت
شالت  جسمك  وبآخر  توديع ، صوت ضلوعك ظل يقرا التشريع
******
أوقف  يمك  وأنظر  لك  حيران  ، شلون إلمثلك يتسمى العطشان
إنت  الكوثر يشرب منك ماي ، جرحك بلسم داوى جراح إهواي
لإنسانيتك  عطشان  الإنسان  ،  شلون  إلمثلك يتسمى العطشان