يا زينب (مكتوبة) - باسم الكربلائي

القصيدة : يا زينب
الشاعر : ناظم الحاشي
الرادود : الحاج ملا بلاسم الكربلائي

اليوم وفيت الكفالة ودينها
وشهد يازينب عليها إحسينها
******
إنتي شاهد عالجره بيوم الطفوف
إشلون جثتي اتوزعت بين السيوف
شفتي فوق المشرعة شلون الجفوف
بغير راية وعالثره امقطعينها
******
شفتي يمي الماي عطشان وجفيت
ما شربته ورحت بالدم ارتويت
ومن ذكرت اسكينه يا زينب بجيت
يا هو يمسح بعدي دمعة عينها
******
عالفرات اتلاقت بصدري السهام
نفسي هانت من تذكرت الإمام
روحي يمج ظلت ويم الخيام
بلا جفوف وجربتي امبدينها
******
فوق راسي بيوم ما طاح العمود
صاح يا عباس رد ثار اليهود
لجن ما نسّاني وياج العهود
وعيني تنزف بالسهم تدرينها
******
والله ما همني الذبح يا اخت الشهيد
ما خفت من سيف من حز الوريد
همني بس اسمعت مسبية ليزيد
صاح إخت عباس هالسابينها
******
يا اختي كون المثلج بدم تنكفل
مو أسيرة تروح مشدودة بحبل
ولا بدرب الشام تصعد عالهزل
وبخرابه بلا غطه امخلينها
******
من تطيح ادموعج تطيح السمه
فوق راسي وتشتعل نار الظمه
خاف لو شافتج تزعل فاطمه
شلون زينب يمك أمبجينها