توجهت دعوة (مكتوبة) - باسم الكربلائي
منذ ٩ سنوات٥٩٢مشاهده
قصيدة : اتوجهت دعوة
الشاعر : سيد عبدالخالق المحنة
الرادود : الحاج ملا باسم الكربلائي
المناسبة : ليلة 1 محرم 1436 هـ
في حسينية المرحوم الحاج داود العاشور
ﺍﺗﻮﺟﻬﺖ ﺩﻋﻮﻩ ... ﺍﻟﻜﻞ ﺑﻨﻲ ﺣﻮﻩ
ﺍﻟﻴﺴﺘﻌﺼﻲ ﺩﺍﺀﻩ ... ﺑﺎﻟﻄﻒ ﺷﻔﺎﺀﻩ
******
ﻛﺮﺑﻠﻪ ﺗﺪﻋﻮ ﺍﻟﺒﺸﺮ ﻣﻦ ﻛﻞ ﺍﻷﺩﻳﺎﻥ
ﻫﺎ ﻫﻨﺎ ﺗﺮﺑﺔ ﺷﻔﺎﺀ ﺍﻟﻜﻞ ﺍﻷﺑﺪﺍﻥ
ﻛﻞ ﻣﺮﺽ ﻣﺴﺘﻌﺼﻲ ﺑﻴﻪ ﺍﺣﺘﺎﺭ ﺍﻹﻧﺴﺎﻥ
ﺣﺘﻪ ﻟﻠﻤﺠﺮﻭﺡ ﻭ ﺍﻟﻐﺎﺭﻕ ﺑﺎﻷﺣﺰﺍﻥ
ﺗﺎﺧﺬ ﺍﻟﻮﺻﻔﻪ ... ﺑﺄﺭﻗﻪ ﻣﺴﺘﺸﻔﻪ
ﺍﻟﻀﺎﻳﻊ ﺩﻭﺍﺀﻩ ... ﺑﺎﻟﻄﻒ ﺷﻔﺎﺀﻩ
******
ﻛﻠﺸﻲ ﻣﺠﺎﻧﻲ ﻓﻘﻂ ﺍﻗﺼﺪﻫﻢ ﻭ ﺯﻭﺭ
ﻭ ﺁﻧﻪ ﺃﺣﻠﻒ ﻟﻚ ﺃﺑﺪ ﻣﺘﻌﻮﺩ ﻣﻜﺴﻮﺭ
ﺍﻟﻴﺠﻲ ﻣﻌﻠﻮﻝ ﻳﺮﺟﻊ ﻟﻬﻠﻪ ﻣﺴﺮﻭﺭ
ﺍﻟﻤﺪﻳﺮ ﺣﺴﻴﻦ ﻭ ﺍﻟﻌﺒﺎﺱ ﺩﻛﺘﻮﺭ
ﺍﻗﺼﺪ ﻭ ﺟﺮﺑﻪ ... ﺟﺴﻤﻚ ﺍﻳﻄﻴﺒﻪ
ﺍﻟﻴﻜﺜﺮ ﺑﻼﺀﻩ ... ﺑﺎﻟﻄﻒ ﺷﻔﺎﺀﻩ
******
ﺍﻟﻤﺨﻴﻢ ﺧﻴﻤﻪ ﺗﺴﺘﻘﺒﻞ ﺍﻟﻤﺮﺿﻪ
ﻭ ﺍﻟﻤﺮﻳﺾ ﻳﺠﻴﻪ ﺣﺒﻴﺐ ﻳﻘﻴﺲ ﻧﺒﻀﻪ
ﺟﺎﺳﻢ ﺍﻟﻴﺴﺘﻘﺒﻞ ﻭ ﺍﺳﻤﻪ ﻳﺤﻔﻈﻪ
ﺣﺘﻪ ﻟﻮ ﺑﻮﺫﻱ ﻭ ﻳﻬﻮﺩﻱ ﻣﺎ ﻳﺮﻓﻀﻪ
ﺃﻱ ﻣﺮﺽ ﺑﻴﻜﻢ ... ﻫﻮﻩ ﻳﺸﻔﻴﻜﻢ
ﻋﻮﻑ ﺍﻧﺘﻤﺎﺀﻩ ... ﺑﺎﻟﻄﻒ ﺷﻔﺎﺀﻩ
******
ﻣﺎ ﻳﺴﺄﻟﻮﻧﻚ ﺃﺑﺪ ﺷﻨﻬﻮ ﺍﻋﺘﻘﺎﺩﻙ
ﺍﻟﻤﻬﻢ ﻣﺪ ﺍﻳﺪﻙ ﻭ ﺗﺎﺧﺬ ﻣﺮﺍﺩﻙ
ﻋﺎﺑﺲ ﻭ ﺟﻮﻥ ﻭ ﻋﻠﻲ ﺍﻳﺤﻀﺮ ﺿﻤﺎﺩﻙ
ﺍﺑﻠﺤﻈﻪ ﺗﺸﻔﻪ ﻭ ﺳﺎﻟﻢ ﺍﺗﻌﻮﺩ ﺍﻟﺒﻼﺩﻙ
ﻳﺮﺑﺢ ﺍﻟﻴﺤﻀﺮ ... ﻭ ﺍﻟﻠﻪ ﻣﺎ ﻳﺨﺴﺮ
ﻳﺎﺧﺬ ﺑﺮﺍﺀﻩ ... ﺑﺎﻟﻄﻒ ﺷﻔﺎﺀﻩ
******
ﺩﻋﻮﺓ ﺍﻹﺳﻼﻡ ﻫﺎﻱ ﺍﻟﻐﻴﺮ ﺍﻹﺳﻼﻡ
ﺍﻟﻐﺮﻳﺐ ﺃﻭﻟﻪ ﻭ ﻣﻔﻀّﻞ ﻋﻨﺪ ﺍﻷﻛﺮﺍﻡ
ﻫﺬﻱ ﻣﺴﺘﺸﻔﻪ ﺍﺧﺘﺼﺎﺹ ﺍﻟﻜﻞ ﺍﻵﻻﻡ
ﻭ ﺍﻟﺤﺒﻴﺐ ﺣﺴﻴﻦ ﻫﻮﻩ ﺍﻟﻤﺸﺮﻑ ﺍﻟﻌﺎﻡ
ﻛﻠﺸﻲ ﺑﺈﺷﺮﺍﻓﻪ ... ﻛﻠﻬﺎ ﺗﺘﺸﺎﻓﻪ
ﺍﻟﻴﺼﻌﺐ ﻭﺑﺎﺀﻩ ... ﺑﺎﻟﻄﻒ ﺷﻔﺎﺀﻩ
******
ﻭ ﺍﻟﻠﻲ ﻣﺎ ﻳﻨﺠﺐ ﻃﻔﻞ ﻣﺠﺮﻭﺡ ﻗﻠﺒﻪ
ﺣﺎﻳﺮ ﻭ ﺃﻳﺲ ﻃﺒﻴﺒﻪ ﻭ ﻗﻠﻪ ﺻﻌﺒﻪ
ﻳﻤﺸﻲ ﻟﻠﻌﺒﺎﺱ ﻭ ﺍﻟﻤﺪﻣﻊ ﻳﺼﺒﻪ
ﺇﻱ ﻭ ﺣﻖ ﺯﻳﻨﺐ ﺃﺧﻮ ﺯﻳﻨﺐ ﻳﻄﻴﺒﻪ
ﻳﺮﺟﻊ ﻭ ﻳﺤﺴﺐ ... ﺟﻢ ﻃﻔﻞ ﻳﻨﺠﺐ
ﻳﺨﻠﺺ ﺷﻘﺎﺀﻩ ... ﺑﺎﻟﻄﻒ ﺷﻔﺎﺀﻩ
******
ﻭ ﺍﻟﻄﺒﻴﺐ ﺍﻟﻌﻤﺮﻩ ﺳﺖ ﺃﺷﻬﺮ ﺃﻛﻴﺪﻩ
ﺟﺪﻩ ﻭﻗﻊ ﻟﻪ ﺍﻟﺸﻬﺎﺩﻩ ﺍﺑﺪﻡ ﻭﺭﻳﺪﻩ
ﻭ ﺍﻟﻄﻔﻞ ﻳﻢ ﺍﻟﻄﻔﻞ ﻳﺤﺠﻲ ﺍﻟﻴﺮﻳﺪﻩ
ﺃﻱ ﻃﻔﻞ ﻣﻌﻠﻮﻝ ﻳﺘﺸﺎﻓﻪ ﺍﻋﻠﻪ ﺍﻳﺪﻩ
ﻛﻞ ﻃﻔﻞ ﻗﻠﻪ ...ﻋﻠﺘﻪ ﺳﻬﻠﻪ
ﻳﺘﺮﻙ ﺑﻜﺎﺀﻩ ... ﺑﺎﻟﻄﻒ ﺷﻔﺎﺀﻩ
******
ﻋﺪﻧﻪ ﻓﻮﻕ ﺍﻟﺘﻞ ﻋﻴﺎﺩﻩ ﺯﻳﻨﺒﻴﻪ
ﺍﻟﻜﻞ ﻧﺴﺎﺀ ﺍﻟﻌﺎﻟﻢ ﻭ ﻣﻮ ﻋﻨﺼﺮﻳﻪ
ﺁﻟﺔ ﺍﻟﺘﺸﺨﻴﺺ ﻋﺪ ﺳﻜﻨﻪ ﻭ ﺭﻗﻴﻪ
ﺍﺧﺘﺼﺎﺹ ﺍﻟﻜﻞ ﻣﺮﺽ ﺑﻨﺖ ﺍﻟﺰﺟﻴﻪ
ﻫﻴﻪ ﻛﺎﻑ ﻭ ﻧﻮﻥ ... ﻭ ﺍﻟﻌﻼﺝ ﺍﻳﻜﻮﻥ
ﺍﻟﻴﺼﺪﻕ ﺩﻋﺎﺀﻩ ... ﺑﺎﻟﻄﻒ ﺷﻔﺎﺀﻩ
التعلیقات