الطير انتحر
القصيدة : الطير انتحر
الشاعر : ناظم الحاشي
الرادود : الحاج ملا باسم الكربلائي
الطير انتحر والماي اعتذر يم نحر الإمامة
و قلوب البشر اقسى من الحجر ظلت للقيامة
هالقصة العجيبة .. شاهدت عالمصيبة
******
اشتمه صله يم دمه غَطه جرحه بريش جنحه
صوته غرد لموته گله فزتُ ما خسرتُ
کَبر منه یتعذر ما نصرتك من حضرتك
من راس الرمح لجسمه المنذبح طاير يعتنيله
يا طير ابجنح لا تلچم جرح نادت العقيله
حاضر يالغريبه .. شاهد عالمصيبة
******
اتعذب عاين لزينب جن سألها ع الكفلها
وينه عاهد اسكينه خل اشوفه جنح اطوفه
صَدت بدمع رَدت عالشريعة ابچف گطیعه
یاطیر اسأله من توصل اله ليش اختك عِفتها
ما بين الغُرب زينب تنضُرب وانته اتكفلتها
مسبية وسليبه .. شاهد عالمصيبة
******
احساسه يحاچي عباسه خاف ازعله من اگله
حسینك الاغلى من عينك انداس صدره انذبح نحره
واختك الجايه ابختك من أميره اترد أسيره
فگ عينه ونشد يا طير اشبعد يا شده ورزيه
گله اتحیرت واصعب ما شفت من ضاع رقیه
إحساسك ابحبيبه .. شاهد عالمصيبة
******
عَافه قَبل اشفافه جنح جابه عالصحابه
مرهوم يبچي من گلهم احسينه نحره رمح نصره
بالطف زمن ما أنصف بالسبية الهاشمية
نيران ابخيم جف ابلا علم هذه الـ مر عليها
صِعدت عالهزل مشدودة بالحبل زينب جف ايديها
حيدر كون اجيبه .. شاهد عالمصيبة
******
اتغّير والفرات أحمر ماي نهره فوگ نحره
اتعنه يعتذر منه گله صبرك كِتب نَصرك
تگدر تشرب الکوثر لکن انته ماشربته
ماعایل تره ابسبع الگنطره والچف ماگطعته
والماي اشتعل من نار الخَجل تعرف من وصلته
ما يغمد لهيبه .. شاهد عالمصيبة
******
إجاني وگف حاچاني عَطشتني عَذبتني
گتله قَبلِت رجله ماهو ذنبي وحگ ربي
إعذرني العطش مو مني هالقضيه من آل اميه
لو بيدي قسم جبته عالخيم كل عذبي وفراتي
لا أشوفن طفل ضامي ينگتل واندم کل حیاتي
وانحب وي نحيبه .. شاهد عالمصيبة
******
أشهد ماجره عله احد هالجرالك وعلى اعيالك
ابعلمي من وصل يمي اشكثر ترغب گتله اشرب
اتذکر يا ضمه الخدر گام عني ما شربني
يالشفت وصلت منه اتعذرت من اجفوف ذبني
گام وماشرب چن نار ابحطب چبده وما شربني
هالغیره رهیبهِ .. شاهد عالمصيبة
التعلیقات