رقية
القصيدة : رقية
الشاعر : سيد سعيد الصافي
الرادود : الحاج ملا باسم الكربلائي
المناسبة : شهادة السيدة رقية ع
أبويه ابنومي عودني
يوسدني عله ايمينه
أشم ابكل فجر نحره
واشوفن صورتي ابعينه
******
ولمن عالرحيل نوه
يريد لكربله سفره
وكفت ابحيرتي اكباله
اشوف اعيونه متغيره
شفت بيها ضمه واطفال
نار ابخيم متوجره
******
صحت يابويه خبرني
گبل ماتطلع اضعونه
اشوف امصاب مامنشوف
ورأسه بالرمح بعيونه
گلبي ايگول عدوانك
من توصل ايذبحونه
******
يا بويه وعلى الغفله
لنك يمي ما موجود
انشد عمتي زينب
واتگلي ابسفر وايعود
يالغالي درب جيتك
خليت النظر مشدود
******
حلمي ذبل اجفوني
ما خله عليه ادموع
ابطشت الذهب كل ليله
اشوفن رأسك المگطوع
خرابه الشمر يحرسنه
والعيال وايتامه اتنوع
******
بعيونك شفت موتي
من المهد يبرالي
ودموعك تواسيني
كل ما تكعد اگبالي
لاكن رأسك مگطوع
ماخاطر عله بالي
******
اذا بيه تعب نوح
وسير طيفك اعليه
نساني الحزن كله
ولا جن جيت مسبيه
ابلحظه وغاب عن عيني
فزز كل الجرح بيه
******
فزيت وصحت بويه
وظالم سمع نوحي
وداني بطشت رأسك
گصده يلچم اجروحی
مثلك گطعوا أنفاسي
لروحك مشت روحي
التعلیقات