زيارتي (مكتوبة) - جليل الكربلائي
الرادود : الحاج ملا جلیل الکربلائی
عـقـب فرقة عُمُر مرت عليها إسنين
رد بـيـه الـزمان و زرت قبر حسين
******
مـشـه إبـلهفه الجدم للملقه ماخذني
و أخـذ طـول الدرب قلبي يناشدني
يـقـلـي إبحضرته بس نوصل إتهدني
و بـالـشـبـاج أريدن بيدك إتشدني
أصـبـر بـالقلب و إتهل دمعها العين
******
وصـلـنـه الـكربله و طبينه واديها
و قـمت بعيون قلبي أبجي و أصد ليها
تـعـتني الروح قامت و آنه أعت بيها
غـريـبـه جـانـت و ردت لهاليها
و تـاهـت بـالحنين إبساحة الصحنين
******
شبكته إبحسره و آلام و قلب مفجوع
و بجيت إبحضن شباجه و حنيت إضلوع
هـمـلت إشما إبعيني من دمه و إدموع
و قـلـت له إسنين من إزيارتك ممنوع
إلـك مطلوب دين و جيت أوفي الدين
******
بـعـد مـا خـلصت يم القبر نوحي
قـامـت لـلـصحن بيه تجر روحي
هـاجـت للقاء إدموعي و إجروحي
صـحت يا روحي بسرار العشق بوحي
شـوفي ابهالصحن من ماضي شتذكرين
******
إهـنـا حـمـزه بليالي الجمعه من يقره
و أذكـر شـيـخ هادي لو قره إبعبره
إبـكـل لـيوان إلي قصه و إلي ذكره
و إلـي وي هالصروح إمن الزغر عشره
و إلـي عـشرة عمر مو يوم لا يومين
******
طـلـعنه إمن الصحن بأرواح ملهوفه
و قـصـدنه للفده خدر إخته بجفوفه
أبـو جـود و حـميه و غيره معروفه
سـعـيـنه و بالدمع قبر الوفه إنطوفه
ذكـرنـه هـامـته و العين و الجفين
******
زرنـه الـخـيم و ريحت حرق فاحت
شـفـنه التل ذكرنه زينب إشصاحت
ذكـرنـه إهنا حرم فوق الهزل راحت
و ذكـرنه العلقمي و يا رايه بيه طاحت
إهـنـا خان بأهل بيت الرسول البين
******
و بعد قلت أقصد الدار الزغر و إصباي
شـفتها و جنها قالت وين تعب إرباي
شـفـت لا أهلي لا ربعي القبل وياي
و قـمـت بـس للديار أتفكر إبعيناي
و أصيحن وين ذيج الناس صارت وين
******
أصـيـحن تاج راسي يا أصول الدين
ويـنـه القال آنه حسين و إنت حسين
هـذا إنـت الشموخك هو صاير وين
و بـإسـمـك عـالخلق يالوالي متعلين
التعلیقات