حجابي (مكتوبة) - باسم الكربلائي

القصيدة : حجابي
الشاعر : السيد عبد الخالق المحنة

الرادود : الحاج ملا باسم الكربلائی 

یلدمعک یهل لمصیبتی اسمع جوابی
مو ضلعی المهم چان الاهم عندی حجابی
ستری وستر دینی اغله من جنینی
******
های الضربوا امثال ابسترها
بعد جنح الوحی یمسح اثرها
ورده وبالعرش ثابت جذرها
نشم ریحت الباری من عطرها
لچن اهل الارض جهلوا قدرها
تموت الورده لو حاقد سطرها
فاجئنی النذل واتحجبت بثنین ادیه
لو میته ولا عین اجنبی تنظر علیه
والسطره اعله عینی اغله من جنینی
******
انا لمن دنه الظالم الیه
تمنیت السمه توگع علیه
ابحجابی فکرت موبالمنیه
رساله للنساء الجعفریه
حیا المراه من الله هدیه
واذا ماتنستر مو فاطمیه
انی فاطمه وکلمه عهد اثبت علیها
کل امحجبه او ما خالفت اتباهه بیها
للی ترتضینی اغله من جنینی
******
یشیعیه اسولفلچ وسمعی
اذا زلیتی عن الخط ارجعی
انا ونیت مو من کسر ظلعی
بچیت وخایفه ایشوفون دمعه
اون واسمع البسمار ینعی
کسر گلبی علی من شاف وضعی
مگیود ودمع عینه بده یبدی اعتذاره
موسهله عله حامی الحمه ما سل فقاره
حیدر ما یجینی اغله من جنینی
******
انا اسطورة وفه وربیت اساطیر
شبه حیدر اسولف همی للبیر
مثل ماچنت اریده المجتبیٰ ایصیر
تگول اعیونها ونقره التعابیر
نفس چف الکتب غدر البسامیر
سقاه سم اوجرح آیه التطهیر
ربیت الحسن وادری الحسن سبط الهدایه
حته المسلمه تعرف ثمن درس الولایه
بالخالق یقینی اغله من جنینی
******
حبیبی احسین ربیته اعله صدری
انا ابدمه سریت وبیه یسری
گبل ماگول اهوه ایگلی ادری
گبل لا ابچی یمه دمعه یجری
سئلنی مره من یعله اعله قدری
جاوبته یغالی الاغله خدری
شفته ابکربله وبمصرعه انی حضرته
حز راسه الشمر لکن بگت عینه اعله اخته
عندی کل بنینی اغله من جنینی
******
تأذینی ترا الیطلع ظفرها
ابد ماکو عذر ارفض عذرها
تعالی الزینب وشوفی خدرها
انا الربیتها وسری ویه سرها
بقت ام الخدر حتی ابیسرها
ستر عرش الله یخجل من سترها
صاحت مو مهم سوط الشمر حتی مماتی
بس عندی المهم تبقه عله راسی عباتی
والتشعر ونینی اغله من جنینی
******
اشوف البالحرب ضحت ابنها
دفاعاً عن علی طاهر لبنها
تجی رمله تواسیها ابحزنها
واذا ونت تون لیله عله ونها
های الضحت الغالی الوطنها
وعد منی اجی ابساعه دفنها
شبان المشوا للمعرکه کلهم غیاره
نصروا فاطمه ونصروا علی وبکل جداره
شاب الیفتدینی اغله من جنینی