الله يعظم أجرك (مكتوبة) - باسم الكربلائي
قصيدة : الله يعظم اجرك
للشاعر : ميرزا عادل أشكناني
الرادود : الحاج ملا بلاسم الكربلائي
يمك نزل يبن الحسن وينادي جبريل
اللّٰه يعظم أجرك بحماي الدخيل
******
جبريل من سابع سما ونه و نياحه
للمهدي نازل والدمه تصب من جناحه
يقله علي لهاليوم تتنازف جراحه
لليوم للمهدي دمه من هامته يسيل
اللّٰه يعظم اجرك بحماي الدخيل
******
لليوم تنزف هامته و تتفايض دماه
لليوم تصرخ شيعته و تصيح ويلاه
لن العلاج بصارمك يا حجة اللّٰه
و السيف بس السيف هو اليشفي الغليل
اللّٰه يعظم اجرك بحماي الدخيل
******
بس سيفك اللي يداوي القلوب الحزينه
لو تسمع الكرار شينادي ابونينه
جدك علي ابمحرابه يصرخ ثاري وينه
والثار ينتظرك بقى جيل من بعد جيل
اللّٰه يعظم اجرك بحماي الدخيل
******
جيل من بعد جيل وتمر اسنين واعوام
واحنا بعدنا بكل زمان نعيش ايتام
ندري بظهورك كل جرح من عدنه يلتام
و بنور وجهك يا بو صالح ينجلي الليل
اللّٰه يعظم اجرك بحماي الدخيل
******
ينجلي الليل وتنكشف نجمات الاقدار
و بنار غيظك حين تظهر تطفي جم نار
عجل ادركنا سيدي حكم الزمن جار
و انت لتعدل چفته لو رادت تميل
اللّٰه يعظم اجرك بحماي الدخيل
******
لو مالت الچفة تعدلها بيمينك
إلحق على دينك قبل لا يموت دينك
انت الاسد و الشيعة يالمهدي بعرينك
تحرسها و تحاميها من كل نايبة و ويل
اللّٰه يعظم اجرك بحماي الدخيل
التعلیقات