وداعاً يا حسين (مكتوبة) - باسم الكربلائي
القصيدة : وداعاً ياحسين مكتوبة
الشاعر : علاء عبدالحسین الكربلائي
الرادود : الحاج ملا باسم الكربلائی
لیلة العاشره من محرم عام ۱۴۳۷ فی حسینیة المرحوم الحاج داود العاشور البصره (ابوالخصیب)
وداعاً ياحبيبي ياحبيبي ياحسين
وداعاً يا حبيبي ياحبيبي ياحسين
******
باچر ریت اموت ولایجی امصابک
تطیح اگبالی من مهرک عله اترابک
ویجی السلاب یسلب منک اثیابک
وعلیک ایحوم یبن الزهره چف البین
******
باچر هالشمر یگعد عله صدرک
اگبال اعیونی وبسیفه یحز نحرک
واجر سهم المثلث من خرز ظهرک
وبسهمک دلیلک ینجسم نصین
******
باچر خیل امیه تهشم اعضامک
ویضربنی الشمر بسیاطه جدامک
وتدوس الخیل یبن الزهره ایتامک
امنین الطف اجانی خویه گلی امنین
******
باچر من تطیح وانته مو یمی
عباتی تحترگ بالنار یبن امی
گمرنه اعله الشریعه امگطع و مدمی
یمه الرایه تبچی الگطعة الچفین
******
باچر کل محامی مایظل النه
علی الاکبر ابواترهم یوذرونه
جاسم بالدمه چفینه تتحنه
ما ادری عگبکم خویه اروحن وین
******
باچر من رضیعک ینزف امصابی
یبوالیمه الف عبداللّٰه بحجابی
وامسح دم وریده الیجری بثیابی
واطب للخیمه وحدی واخمش الخدین
******
باچر عالتراب اتنام هالایتام
عگب باچر اروح امیسره للشام
صعب حرمه تطب ابمجلس الظلام
واشوف ایزید یضرب الشفتین
التعلیقات