ما أريد أيامي (مكتوبة) - باسم الكربلائي
القصيدة : ما أريد أيامي
الشاعر : واثق العيساوي
الرادود : الحاج ملا باسم الكربلائي
ما اريد ايامي ... انت لو مابيها
ياحُسين عيوني ... المابجت اعميها
آنه ناذر روحي بأسمك مخليها
بأسمك مخليها
******
الحواس الخمسه عندي
كلها مشغولة بوجودك - مو اليه
أرخيصه العيون المتبجي
أعليك وتوزع دمعها - بكل مسيه
أعيوني لو لاسامح الله
باقت الدنيا دمعها - شيبقة بيه
شيبقة بيه
أعيوني لو ما طيفك بيمن يواسوني
ولو تعوف ادموعك - الله يعمي عيوني
المابجت لمصابك - المن مخليها
المن مخليها
******
عيني لو تجفي بطبعها
اعليك ماينزل دمعها - انسه عيني
اجدامي لو ماتعتنيلك
انا مااريد الماتجيلك - توفي ديني
كل شي يمك بالنهايه
ومو وسيله حسين غاية - بيها ديني
روحي تهجر روحي - لو تهجر ايامك
انسه بيك جروحي - من أعيش آلامك
يادمعتي ونوحي - وعبرتي من اجريها
وعبرتي من اجريها
******
أذني لو ماتسمع اسمك
منها آنه اتبره وأخدمك - وآنه عهدي
صدري لو مابي علامة
من اللطم فاقد كرامة - صعبة عندي
جفوفي خرسه بلايه رايه
وانذرتها من البداية - هذا وعدي
هذا وعدي
الما تشيل الراية - جفي ما أرضاها
جدمي للمشاية - تمشي وأسعي وياها
المحبة حجاية - وبس إلك تدريها
وبس إلك تدريها
******
جفوفي تتلمس خيالك
صورة تصنعها المآسي و نحر دامي
من تحس بفيض دمك
بعده فوق الرمح يجري ثغره ظامي
تضرب و تلطم صدرها
و عالضلوع تخلي اثرها يا امامي
يا امامي
باللطم يكفيني انا اقصر خوفي
لو ذكرت جفوفك اخجل من جفوفي
خنصري على يميني خنصرك مو بيها
******
روحي اذا ما تذوب باسمك
ما تهيم بطيف رسمك ما ردتها
نبضي من غيرك كرهته
كل وجودي وياك كلمة و رددتها
الماي ما احس طعمه دونك
كل حواسي تحس مصابك علمتها
روحي اذا ما تريدك الله ياخذ روحي
كل حياتي بايدك يا طبيب جروحي
حيرة ذا من غيرك يا حياة اقضيها
******
أنذر اولادي بحضرتك
وافرح بمجلس عزائك - لو شفتهم
دمعة دمعة اتطيح منهم
لَون ماوفو مصابك - ماردتهم
المايخدمك طول عمره
قلبي من عنده ايتبره - فهمتهم
فهمتهم
دمهم البالعاشر - ينزف من الهامة
بالعشيرة نفاخر - لو رفعنه القامة
يايزيد القادر؟ - ثورتك يمحيها
ثورتك يمحيها
التعلیقات