ليلة اعله ليلة (مكتوبة) - باسم الكربلائي
قصيدة : ليلة اعله ليلة
للشاعر : كرار حيدر الخفاجي
الرادود : الحاج ملا باسم الكربلائی
ليلة اعله ليلة...اتموت العليلة
عليلتكم يهاشم ريضوها...تموت من المرض لو ما تجوها
بعدها اصغيرة لا لا تقهروها...مشه عمها و أخوها و حته أبوها
غيبة طويلة...اتموت العليلة
******
يهاشم عالأقل واحد يجيها...يشوف اشصار ما صاير عليها
إذا يرجع ابوها و يعتنيها...أكيدة كل مرض ما يبقه بيها
من تشتكيله...اتموت العليلة
******
يجيها الأكبر ابهاي المسية...يجيها بصوغة من الغاضرية
تره صوغتها ترجية رقية...يجي الأخ الجبير و هاي هيه
المدمع تسيله...اتموت العليلة
******
بعد صار المصاب ابطف الجراح...صعوبة الميت يرد بعد ما راح
الطير ايرد صعب للعش بلا اجناح...قلي اشلون بالراسه عله ارماح
يطّول رحيله...اتموت العليلة
******
يجي العباس عمها للمدينة...حنين و أدري مشتاقة الحنينة
شرط بس من يجي مصيوبة عينه...يجي بلا يسرته و بلا يمينه
امصايب ثجيلة...اتموت العليلة
******
تجي زينب تواسيها بحزنها...عسه ابهالشوفة يسكن عالي ونها
شرط زينب تجي أزرق متنها...بعباية امحرقه اترد الوطنها
وين العقيلة...اتموت العليلة
******
و إذا رد الحسين العله تبره...أكيد الطفلة تفرح بس تنظره
شرط بس من يجي مقطوع نحره...يجي و طبع الحوافر فوق صدره
ذايب دليله...اتموت العليلة
التعلیقات