سيد أمتهم (مكتوبة) - باسم الكربلائي
قصيدة : لو تشهد كعبتهم
الشاعر : الادیب ناظم الحاشي
الرادود : الحاج ملا باسم الکربلائی
لو تشهد كعبتهم...عن سيد أمتهم
ما عابد صنم...أبو طالب قسم
******
الموحد كل حياته عابد الواحد أحد
من محمد ظهر دينه أسلم و بالحق شهد
لزم ظهره حفظ دينه للرساله أصبح سند
عاش عابد مات زاهد أبد ما أشرك أبد
و القالوا ما أسلم...و النكروا ما قدّم
منهم ما سلم...ما عابد صنم
******
يا بو طالب سيد الكل نزل من ظهر الظهر
و الدلائل كلها تشهد من كفل سيد البشر
ربط روحه وي مصيره و احتمل نفس الخطر
ما تخله ابيوم عنه لمن دين الله انتصر
و اتشهد إيمانه...يتعلم قرآنه
ما جان بوهم...ما عابد صنم
******
بالمواقف عنده شاهد من قريش اتعنته
ضد محمدمنه رادت يوقف و ضد دعوته
نذر دمه ضحه ولده عاده كلمن عادته
حمل همه و عاش ضيمه كل حصاره و شدته
و اتحمل آلامه...يالتطعن بإسلامه
ما عشت الألم...ما عابد صنم
******
عنده موقف يا بو طالب موقف الحر الأبي
ما تنازل عن محمد لو ترك دين النبي
هالحقيقة بيها يشهد كل لعين و ناصبي
منها رادوا باب يصبح للصراع المذهبي
و انفضحت كذبتهم...و انكشفت غايتهم
مؤمن متهم...ما عابد صنم
******
آنا عارف و انت عارف كل حقيقة ما جره
ليش قالت عنه مشرك آل أمية الفاجرة
بيها رادوا زلة تصبح بالأصلاب الطاهرة
أمنيتهم كون تظهر زله وحده بحيدره
صورتهم كشفوها...و العالم عرفوها
ما عدهم قيم...ما عابد صنم
******
لو بو طالب جان أبوهم أبد ما جان انطعن
جان قالوا عنه مسلم أبد ما عابد وثن
ضده صبوا كل حقدهم كل أساليب الفتن
سبب واحد يا بو طالب والدك يا بو الحسن
لو رايد تنشدهم...ضد حيدر مقصدهم
يا راعي العلم...ما عابد صنم
******
شي أكيد اتعادي شخصه العادت الحر الولي
هذا والد يوم نادوا لا فتى إلا علي
باِسمه كل هم عن محمد بالشدايد ينجلي
سيفه حيدر بالمعارك و اليمر بيه يبتلي
بالخندق من كبّر...جاوبهم يا حيدر
بالسيف انتقم...ما عابد صنم
******
لو بو طالب مات مشرك حسب قول العادته
ليش شاله النبي ابجفه صله فوق اجنازته
ليش ساكن جان بيته ليش راضي بعشرته
إذاً جان بوقته حجته جان واجب طاعته
و النكروا حجتهم...ما نقبل كلمتهم
ما قالوا نعم...ما عابد صنم
التعلیقات