قسمنه (مكتوبة) - باسم الكربلائي
قصیدة : قسمنه
الشاعر : السيد عبد الخالق المحنّه
الرادود : الحاج ملا باسم الكربلائی
قسمنه..و الرفعها ابلا عمد...قسمنه..ما نعوفج للأبد
*****
هيه كلمة الترضي الله ابكل زمن نحجيها...فاطمه النور السماوي و احنه نؤمن بيها
هيه مثل الشرف عدنه و احنه ما ننطيها...من غضبها يغضب الله يرضه لليرضيها
بالأصلاب صحنه يالزهرة مدد...قسمنه..ما نعوفج للأبد
*****
انقلاب اعله الرسالة و بقيادة جاهل...عرفوا الحق وي علينه جاهروا بالباطل
احنه شيعتكم يزهرة و ما نحب انجامل...احنه من يوم السقيفة الهالزمان انقاتل
المنية عدنه أحله من الشهد...قسمنه..ما نعوفج للأبد
*****
احنه دوم انبيع كلشي و نشتري مرضاتج...هوه بس العنده غيرة يشعر بمأساتج
تبقه بعيون الروافض للأبد دمعاتج...كل مسية اغروب يسمع كل محب دعواتج
يزهرة احنه وفينه الوعد...قسمنه..ما نعوفج للأبد
*****
احنه كل غاصب نقله بالوجه يا غاصب...مو جريمة لو حجينه ابحق علي و انطالب
رافضة الله خلقنه و ما نحب الناصب...صاحب الما وفه صاحب ما نسميه صاحب
صحبته غاية و الباري شهد...قسمنه..ما نعوفج للأبد
*****
اليساوم عالزجية عالزجية احسابه...و اليصافح آل أميه بيده غش بأصلابه
و اليجامل ضد محمد هذا عندي اجوابه...حاله حال الجاب نار و بيده يحرق بابه
حرقها ضد محمد و الأحد...قسمنه..ما نعوفج للأبد
*****
الما بجت لجل الزجية عيني شلي بعيني...و آني لو أتخله عنها يعني تارك ديني
فدوه عمري للبتول و كل هلي و ابنيني...ابحبها أتحده جهنم أدري ما تجويني
جهنم ما تمس هذا الجسد...قسمنه..ما نعوفج للأبد
*****
ركز اعليه بتأني يا تره شتلاحظ...روحي أولاد الزجية و قلبي بيهم نابض
آنا ما خاف المنية الله هوه الحافظ...قولوا شتقولون عني آنا رافض رافض
يشيعي ايحرسك الله من الحسد...قسمنه..ما نعوفج للأبد
التعلیقات