دموع الخجل (مكتوبة) - باسم الكربلائي
قصيدة : دموع الخجل
الشاعر : ناظم الحاشي
الرادود : الحاج ملا باسم الکربلائی
من علي دموع الخجل ....صخره طاحت من جبل
يقره بعيونج زعل .......فاطمه
******
علي خجلان او دمعته بطـرف عينه
شلون ضربوا فاطمه او سيفه بيمينه
أمر نفسه احتار بيها او أمر دينه
كظم غيضه او سلم السيف اليقينه
وأحتمل نار الصبر ....ماأخذ ثار الكسر
من قرب ليج الأجل ...فاطمه
******
ودعج ودموع ابو حسين اعله خده
وداع ماشاف الفرح فد يوم بعتده
هذا امر الباري يدري وهذا وعتده
بعدج ايعيش العمر مظلوم وحده
خده بدموعه ارتوه ...بيته خالي من الضوه
مات وياج الأمل ...فاطمه
******
من يريد اشم عطر سيد البريه
من يريد اشوف نور الله ونبيه
من يريد ايعاين النفسه الابيه
يجي ايشم اتراب قبرج يالزجيه
يحضن اترابج علي ...ايصيح ياريحة هلي
انتي يانور الازل
يا فاطمة
******
انتي روحه وبيج يتنفس هواها
انتي عينه وشمس لعيونه اوضواها
شمسه غابت وانطفه النور ابسماها
نسه جروحه ونار بابج مانساها
ياعلي وعاش الألم ...بعدج اوحيله انهدم
صبر لجلتج وحمل ...يافاطمه
******
مابقت بعيونه من فراقاج دمعه
ياونين اهل السمه السابع تسمعه
شمعه جنتي او مابقت لايامه شمعه
ماي وطشر بعد ياهو اليجمعه
جرحج بروحه جرح ...صقر ابلا جنح
يافرج خير العمل ... يافاطمه
******
صاح زينب بويه يازينب تعالي
حالج ارحم كونج اتشوفين حالي
أني والي الناس بس ماعندي والـي
بيتي من أم الحسن يابويه خالي
أظلم ورب السمه ...بيت مابي فاطمه
والدمع نار او همل ...يافاطمه
التعلیقات