واويلاه (مكتوبة) - باسم الكربلائي

قصيدة : واويلاه
للشاعر : كرار الخفاجي
الرادود : الحاج ملا بلاسم الكربلائي

لا تنعى ياجبريل
یرحل علي بهاللیل
واویلاه واویلاه
******
احنه ایتامه یموتنه ابغیابه
ویاه نتمنه تغطینه الترابه
جینا یاجبریل وقفنه علی بابه
کلنه نقرا آه يبو حسین و مصابه
کل الیتامی تقول میت علی معقول
واویلاه واویلاه
******
يوحي یاجبریل صوتك بالرزایه
اتهدمت والله ارکان الهدایه
یعنی میت حیدر او هاي النهایه !
والله عجبه السمه ماتمطر دمایه
ابغیبة علی کرار
أفق السماء إنذار
واویلاه واویلاه
******
الدنیه مو دنیه ونحس الفجر مظلم
والعزیز جنازته تجرح و تلچم
شأکثر من فراق ابونه اللي یألم
الف لعنه علیک تنزل یابن ملجم
هذا جرح مایهون
حیدر یموت اشلون
واویلاه واویلاه
******
قربت شمس الولي والعنده عله
والخلیل یخلي بین احبابه خله
ننتظر تطلع اجنازة ابو الحمله
نرید اخر نشتمله و نقبله
من یطلع التابوت
کلنه نصیح بصوت
واویلاه واویلاه
******
شیعوه و هيجوا نار المواجع
نزل قبر المرتضی بجاري المدامع
وسفه شالوا مرحب وللباب قالع
نایم ابحفره و شبر اربع أصابع
معقوله داحي الباب
هاللیله جوه تراب
واویلاه واویلاه
******
صرنه کل لیله نجي بمهجتنه جمره
نغسله بماي الورد ونزور قبره
المانسانه و الله ماننساه مره
نجی کل لیله إله والفاتحه نقره
لمن یمرنه العید
القبره نروح انرید
واویلاه واویلاه
******
شفنه زینب قاصده بدمعة بچاها
تعثر و توقع و ابو فاضل وراها
اشلون باچر لو شمر بالطف سباها
تطلع من الخیمه محروقه عباها
باچر عقب عباس
سلب خیم هالناس
واویلاه واویلاه