هذا أبويه الغالي (مكتوبة) - باسم الكربلائي
قصيدة : هذا ابویه الغالی
الشاعر : احمد الذهبي
الرادود : الحاج ملا باسم الكربلائی
هذا أبویه الغالي راح أدفنه إبّالي
بالأنفاس ما ظل هوه
******
رجعت عیوني و طلبتک من بعد ذاک الظلام
بویه چا جابولي راسک وینه حضنک أرد أنام
تدري الإبنیه حمامه و الیِتِم موت الحمام
و التفارگ حضن أبوها عالفرح تقرا السلام
بویه ظلت خالي هالحچایه الغالي
بالعیون مات الضِوَه
******
بویه مارید أبقه باچر و النهار ابلا أمان
من أظل بعدک یتیمه یکسر اجناحي الزمان
لا علي الیمسح لي راسي لا نَبي ایوزّع حنان
وین أروح و ماکو صدرک و النحر مابي مکان
و إفتحت ذرعاني ما لگیت إمچاني
للأیتام ماکو دِوَه
******
غَمضّت عیني و لگیتک بالحلم واگف أمیر
و آني یم شجرة حنانک طیره و إجناحي حریر
و إزرعت بشفافي بسمه بالفرح خلتني أطیر
و إفتحت عیني و لگیتک نحر چا گلبي اشیصیر
لا أبویه ابلیلي لا گمر یضویلي
و الإشموع یطفن سِوَه
******
کون التفارگ أبوها بویه أول ما تِحِن
تلبس إهدوم المنیه گبل لا تلبس حزن
کون هم بالغربه مثلي بالوطن ما تندفن
موتتي ابحضنک ردتها راسک انت ابلا حضن
و الفرات الجاري ما یِخَمّد ناري
حتی الماي بیها إنچِوَه
******
آنه متعوده إعلی طولک ما أحب طول السفر
ما مشیت ابلیله ظلمه و لا شفت دمعة سهر
شوفتک چانت نهاري و لیلي بي عَمّي الگمر
هاي الأنفاس الأخیره راح أشم بیها النحر
منهو یمسح راسي ماکو چف عباسي
وین إچفوف راعي اللِوَه
******
گبل لاودع حیاتي عندي یم راسک طلب
کلمه أرید أسمعها منک حتی لو کلمة عتب
یا ثمن یوزن کلامک یالسکوتک من ذهب
الموته وي المثلک انت واجب و مو مستحب
یا دموعي إرویني هذا راس إحسیني
وجه الگاع بالدم رِوَه
******
باچر أبقه ابلایه طولک هاي إذا باچر بقیت
الزمن راسمني شمعه ابریح الموادع طفیت
انتچیت آني اعلی راسک مدري عالموت انتچیت
دَوّرِت کلمة یا بویه علی اشفافک ما لگیت
هذا دمع إحساسي خاتمة أنفاسي
عالوداع گلبي نِوَه
التعلیقات