لو طير (مكتوبة) - باسم الكربلائي
قصيدة : لو طير ونيت معذور
الشاعر : الادیب أحمد الذهبي
الرادود : الحاج ملا باسم الکربلائی
لو طير ونيت معذور ماطير بجناح مكسور
يدرون للموت ما خاف كرار
يمشون بالليل وبخوف للدار
ظليت ما بين نارين محتار
دمعات محبوب وعتاب فقار
الروح وتاوذ بالباب
والسيف محبوس بكَراب
واذراع مجتوف مجبور
******
لو طير ونيت معذور ماطير بجناح مكسور
بأجلال واكرام حييت للضيف
والكَيت صحبان عدوان يا حيف
لو جان مسموح والدور للسيف
يرحون يمشون صاحين بالطيف
يدرون ما هاب فرسان
وديت للموت شجعان
وامشيت جم ليل مخطور
******
لو طير ونيت معذور ماطير بجناح مكسور
النار بالدار والباب مدفوع
اهات واحساس مهشوم وضلوع
وبروح دنياي بسمار مزروع
وشلون بالحال والسيف ممنوع
حسرات وهموم وافراكَـ
وشموع دنياي تنباكَـ
والبيت محتاج للنور
******
لو طير ونيت معذور ماطير بجناح مكسور
يا باب مفروض تنشال ع الراس
جرحوك معقول والغير ينباس
ما يوم رديت محتاج بالناس
بجوك يا باب دمعات وأحساس
عالروح يا باب دفعوك
ونيت وياي سمعوك
والخان بالدين مسرور
******
لو طير ونيت معذور ماطير بجناح مكسور
بالروح جناز محتار وأمشيت
واحلام وايام بتراب غطيت
متعوب يا حيل مهدوم يا بيت
انسان لو طير مذبوح رديت
عالباب موجود تذكار
دخان ودموع وآثار
وفراش غالين مهجور
******
لو طير ونيت معذور ماطير بجناح مكسور
يا ليل جمرات حسرات بغطاي
والصوت مسموع ويروح لعداي
ما اكَول محروكَـ والنار جواي
للراح مشتاكَـ من جان وياي
ما هيد ياليل وارتاح
وعيون شتنام والراح
ما بين طيات الكَبور
******
لو طير ونيت معذور ماطير بجناح مكسور
كرار بتار للدين معروف
مريت بألام وحروف وحتوف
ضحيت بأحباب ونحور وجفوف
واسقيت ثورات وايات وطفوف
والسيف والموت يدرون
وأيات وشهود يحجون
للدين ظليت منذور
التعلیقات