تحياتي وسلامي (مكتوبة) - باسم الكربلائي

القصيدة : تحياتي وسلامي
الشاعر : حمزة السماوي

الرادود : الحاج ملا باسم الكربلائي
 المناسبة : استقبال شهر محرم
ليلة ٢٦ ذي الحجه ١٤٣٨ الكاظميه المقدسه

تحياتي وسلامي مع كل احترامي
سجدة شكر أسجد لعاليين المقامِ
******
سلامي لصوت كل طفله اسألت وين ابو فاضل
سلامي للثواكل قبل ما تصبح ثواكل
سلامي للعليله وكل حچي أوراق الرسايل
سلامي لرنة اجراس الهوادج والمحامل
سلامي بهالمسيره على العمه الچبيره
زينب أم أخوها المقصود بكلامي
******
سلامي لمرض جون البالدرب بيكم يشافي
سلامي لثوب عابس للعشگ رايه يخلي
لأذن بن ظاهر تسمعك تسلم زينب عليّ
للعصابه الي شدها حسين للحر من يداوي
وهب سلم حبيبه على گلادة صليبه
و زهير السبحه بيده مع باقي الاسامي
******
سلامي لعلي الاكبر غار حراء المخيم
سلامي لعطش گلبه والسلام بطعم زمزم
سلامي على الدم النزل برموش المطهم
على خاصرته من طرها الرمح واتفايض الدم
التراب البي توسد الابو بطوله تمدد
سلامي لصيحة امه بضماها وتنعى ضامي
******
سلامي للحسن يعبر مسافات الجزيره
على وليده الرفع راسه ورفع راس العشيره
بسبحة فاطمه القاسم أخذ بعيونه خيره
محتاره لگاها يعني عَمه بوسط حيره
سلامي لثوب عرسه الگمر ماعاف شمسه
سلامي لكل دقيقه وگف بيها يحامي
******
سلامي لعُمر عبد الله وضحكته التخلو من صوت
لكاروكه حطب صار المخيم عيلة الموت
سلامي لعينه تلمع لو بچه مو دمعه ياقوت
راسه ينگطع والرمح يمشي براسه تابوت
وسافه بكل بساطه يصير احمر گماطه
سلامي لحضن خالي وگلب بالغربه دامي
******
سلامي لرقم الف وتسعميه ابالي ميروح
سلامي لچف يعادل جسد شفنه أصبعه مذبوح
من ياكتر تطلع حقها لو متحيره الروح
راسه وللاصابع جسمه كله ينكث جروح
سلامي بالنهايه على حسين البدايه
سلامي اعله السبايه برقيه كل ختامي