عين الدمع (مكتوبة) - باسم الكربلائي

قصيدة : يتزاحم بعيني الدمع

الشاعر : السيد عبد الخالق المحنّه

الرادود : الحاج ملا باسم الكربلائي

 

يتزاحم بعيني الدمع...جاوب يمسمار الضلع
واشرح حقائق مؤلمه...يا جف سطر خد فاطمه
حرام حرام
******
رغم الألم أرد أسألك جاوب يمسمار اشجره
وضحيلي موضوع الضلع من أوله والآخره
اسم اللي قلهم وإن هذا الاسم تتذكره
منهو الحرق منهو الهجم منهو اللي قيّد حيدره
وضح يمسمار السبب...لاذت وره اشعجب
من هالجفوف الظالمه...يا جف سطر خد فاطمه
حرام حرام
******
سولف يمسمار اشحصل وآني الكلامك أستمع
شنهو السبب وبيا ذنب وردة محمد تنقطع
منها وصل مد الحقد ما يوصل الهذا الوضع
هذا جزه إحسان النبي وجه أم أبيها ينصفع
نادي يشيال النعش...ماتت عمرها اثمنطعش
أول سؤال المحكمه...يا جف سطر خد فاطمه
حرام حرام
******
من دفعوا الباب اشقلت وانت طعتهم واقبلت
انت اقبلت تكسر ضلع وأعرف مثلها تألمت
لو منكسر لو منحني حته أعرفك حاولت
كسر العظم ما ينحمل وانت بصدر فاطم نمت
من تسمع الزهره تون...ما عندك امروه وتحن
ونها وصل سابع سمه...يا جف سطر خد فاطمه
حرام حرام 
******
من لاذت اتريد الستر لكن خصمها ما رجع
والدفعوا الباب اشكثر جاوبني جم واحد دفع
باب ودفع قوة زلم عصروها والمحسن وقع
معقولة ما صاحت علي معقولة حيدر ما سمع
صاحت يفضه استعجلي...ما صاحت إلحق يا علي
لو صاحت ايسل صارمه...يا جف سطر خد فاطمه
حرام حرام
******
من قيدوا خير العمل والزهره مدمعها يهل
مهضومه مكسورة ضلع وبخدها سطرة جف نذل
زينب تباوع فاطمه واتباوع المقتل طفل
وأم الحسن تنظر علي والكل فعل ردت فعل
قالت له احبس دمعتك...كلنه يحيدر فدوتك
راح وفقاره يكلمه...يا جف سطر خد فاطمه
حرام حرام 
******
طاحت مثل طيح النده سكته ومدامعها حمر
ما شافت الوالي حضر بس شافت انجوم الظهر
وابتسمت بوجه الولي قالت له يا حيدر صبر
كل همها من قادوا علي ما همها مسمار الصدر
قامت وإيديها ترتجف...مره مشي ومره زحف
هذا الألم ما أعظمه...يا جف سطر خد فاطمه
حرام حرام
******
سولفلي عن زينب بعد من شافت أمها تحتضر
من انسطر خد فاطمه يعني وجهها ينسطر
اليوم انكسر ضلع النبي باجر ضلع من ينكسر
يا فاطمه و كلمة و إن باجر يرددها الشمر
أزرق بده لون الجفن...واتصورت سوط المتن
صاحت يحماي الحمه...يا جف سطر خد فاطمه
حرام حرام
******
سولف يمسمار الألم زينب تشوفك معضله
زينب تره من شافتك شافت سهم من حرمله
من شافت الباب احترق شافت سبايه العايله
ثقل الحوافر عالصدر يعني المصاب بكربله
من الحوافر والحفر...متساوي صدره والظهر
آخر كتابات الدمه...يا جف سطر خد فاطمه
حرام حرام