غايب (مكتوبة) - باسم الكربلائي

القصيدة : غايب

الشاعر : حمزة السماوي

 طور : واهم باجر

ليلة 26 ربيع الثاني 1439 - لندن

غايب..عن السمع صوت الخِدر زهرائي      

غايب..جرحي حُسيني وعُمري عاشورائي

كل عفة الله ابراسي المهدي ظَهر بأنفاسي

جرحي حُسيني وعُمري عاشورائي

?????

ما ماتت امي فاطمة عاشت ابين عيوني  

منها ورثت اني خدر ماكو خدر من دوني

نظراتي ترتيلة وحي عرش الله بين جفوني

اني الي ربيت الخدر و ام الخدر سموني

غيبة..كسر الضلع تبدي و تعيش الحاضر

غيبة..تخلص حسب توقيت يوم العاشر

هناك يصير احساسي المهدي ظَهر بأنفاسي

جرحي حُسيني وعُمري عاشورائي

?????

ابموتتها امي شيبت خذ عمر من عدها  

روحه علي روح النبي والدي هم والدها

صوت الكسر ما ينسمع ﻻ صوت سطرة خدها

اصوات تبقه محجبه رب العرش رايدها

غيره..حتى ابدفنها القمر غادر ليله        

غيره..ليل اهدعش ذاك الوكت احجيله

ابهودجنه صوت اجراسي المهدي ظَهر بأنفاسي

جرحي حُسيني وعُمري عاشورائي

?????

نفس الزكية ابكربله يعني الحسين الضامي

السفياني يوصل كعبتي و الكعبة عندي اخيامي

تكمل علامات اليسر و ابكربلاء ايامي    

لو وصل اخيامنه اندعي عجل ظهور ايتامي

خيمه..توقع مثل وقعت الباب اضروحي  

خيمه..اهتزت وتتساقط جمر بجروحي

ينذبح صفوة ناسي المهدي ظَهر بأنفاسي          

جرحي حُسيني وعُمري عاشورائي

?????

اثلثمية و ثلاثة و عشر للمهدي ادري انصاره

ثمانين طفله لو طفل بيهم اظل محتاره

تربيت ابو الحمله علي و الكرم عندي اخباره

متني يدق بابه و يجي سوط الخدر خطاره

زينب..انه استر الليل بعباتي و ثوبي     

زينب..لا اذن من يقرب صوبي 

بس  لو رحل عباسي المهدي ظَهر بأنفاسي           

جرحي حُسيني وعُمري عاشورائي

?????

التل منصة خطبتي راح اصعد انه عليها 

سبعين الف تسكت اذا زينب يمر طاريها

تطلع شمس من الغرب هاي العلامة شبيها

تطلع رقية امن الخيم تسحق جمر رجليها

صيحه..ابهاي العلامة اعلم و ترويلي      

صيحه..صيحة سكينة امن الضرب لحقيلي

عنه الوعد  ما ناسي المهدي ظَهر بأنفاسي           

جرحي حُسيني وعُمري عاشورائي

?????

ما ميزوني ابكل شكل شقد حاولوا و هوايه

كل الحرم نفس الوجه و بأسمي متسمايه

راح اصرخ ابأذن الدهر يصحه الدهر بحجايه

والله لا تمحوا الذكر تبجي زلمهم هاي

حيره..معقوله هم انتي مره يسألوني  

حيره..ذليتهم و ما قدروا يذلوني

غيرة علي ابنوماسي المهدي ظَهر بأنفاسي           

جرحي حُسيني وعُمري عاشورائي

?????

مملكة عفة اعله الهزل ساس الاميرة بفكري

نحر الحسين اعله الرمح يتعب ابدله بنحري

من اختنق اشتم علي مثل النسيم بصدري

حقها تفاخر بالحشر فاطمة ابهيبة صدري

واجب..عندي قضية و هالقضية اببالي    

واجب..ستر النسه غالي و يعيش الغالي

حجاب الضوه مقياسي المهدي ظَهر بأنفاسي           

جرحي حُسيني وعُمري عاشورائي

?????

القران نقطة ابكلمتي باب الله اصبح بابي

بجدامي يتحول ذهب لمن اسحقه ترابي

فبعد ان ملئت ظلما بقتل احبابي       

راح املي هالعالم خدر و السمه تصير حجابي

عالي..هام الخدر ما دام ارفع هامي       

عالي..و بعلم عباس ارفعتها اعلامي

بعد الزمن القاسي المهدي ظَهر بأنفاسي

جرحي حُسيني وعُمري عاشورائي

?????

الزهره ضلعك و اِكْسروْا ضلعينها ..

اْو نور عينك تالي بچَّوْا عينها ..

?????

اشْتنفع الويلات و الدّمْع الذَّروف

و انته بدْر الله لچَن غالك خُسوف

اتوصّي بالثِقْلين يا ريتك تشوف

الاُمّه تالي اشسوَّت ابثپقْلينها ..

?????

اِنگلبت الاُمّه علىٰ خير العمل

و اللي آمن بالله رَد يعبِد هُبَل

هاذا و إنته بعدك اعله الـمُغتَسل

او صُحبتك يالهادي خانت دينها ..

?????

آهـ من يوم الغبِت يوم الثنين

و العرَب يالمصطفىٰ اتطلبك اِبدَيْن

اِنْچان منّك طلبوْا ابّـدُر او حُنين

بالضلع ردّوْا بدُر و احنينها ..

?????

بالحطب و النار هالاُمّه اشتِفَت

إجوْا و الطاغي عله الزهره اِلتِفَت

لاچن البضعه وره الباب اِختفت

حيث لا ساتر البينه او بينها ..

?????

اشلون حُرمه او تگدر ابهذا الوضِع

ترِد بالچفّين باب اليندفِع

كسروْا الباب او فزَع كل الجَّمِع

بالسّياط او ورّموْا متنينها ..

?????

ابدال ليْعظمون للزهره الأجر

اْو يسألون امن الله يلهمها الصبر

إجوْا واسوْا بنتك ابكسر الصدر

اْو غصُب نِحلتها او سُقوط اِجنينها ..

?????

من تجيلك باجر ابهذا الكسُر

خلها تحجيلك يبوها اعله الأمُر

إسأل امْن الزهره ليش ابهالعُمر

ماتت او ما كمّلت عشرينها ..

?????

اْو ظل جليس الدّار حمّاي الحمّه

عگب ما عن عينه غابت فاطمه

ريت يوگع عالأرض بُرْج السّمه

اْو لا حسنها اينوح يَم احسينها ..

?????