آخر الاخبار (مكتوبة) - باسم الكربلائي
قصيدة : آخر الاخبار
للشاعر : سليم الغزالي
ليلة ١٨ جمادى الأول ١٤٣٩هـ - الفاو
اخر الاخبار ... خاتم الاطهار
يعقد اروع محكمه ... يا لثارج فاطمة
?????
قامت بروحي القيامه و الوضع فس الوضع
الف و اربعمية عام يسولف بخدي الدمع
لكن اخبار الحقيقة تبقى للظامي نبع
اول و تالي ابو صالح ياخذ بثار الضلع
بكل فرض ادعي .... مهدوي طبعي
عايش بروحي الظمه ... يا لثارج فاطمة
?????
باجر المهدي بظهوره يبتشر وجه الخدر
بيده من باب الزجيه يطفي ناره التستعر
يأمر بأحضار كلمن شارك بيوم الكسر
من اول اصحاب الخيانه لآخر اصحاب الشمر
كل بني آدم .... كلشي بالعالم
تصيح لا للمرحمه .... يا لثارج فاطمه
?????
يعقد بيت الزجيه محكمة رب السمه
يفتتحعها بيا محمد يا علي حامي الحمه
مو مثل هاي المحاكم تختلف هالمحكمه
قبل لا يحجي ابو صالح يقره سورة فاطم ة
سورة الكوثر .... بيها جم ابتر
للقصاص انقدمه .... يا لثارج فاطمه
?????
عيسى جالس عن يساره و الخضر عالجانبين
حتماً القاضي ابو صالح جالس ابين الأثنين
شهود ما رايد المهدي يكتفي بدمع الحسين
يطبق الايه الكريمه (يَوْمَ تَشهدُ الَيَدَيْن)
تشهد اعليهم .... حتى رجليهم
هالامر من السمه .... يا لثارج فاطمه
?????
الدفع باب الرساله و الكسر ظهر الولي
بمحكمه منقذ العالم بس دمع عيني تهلي
كلمن اتعده بكلامه اعله الزجيه و العلي
باجر بنار المخيم تبقه روحه تسطلي
بأسفل النيران .... تستقر يفلان
اليوم يوم الحاطمه .... يا لثارج فاطمه
?????
سمعوا يا ايها الناس بدولة المهدي الهمام
الذيب ويه الشات لازم باجر يعيش بسلام
ماكو دم و طائفيه ماكو بالدنيه ظلام
دولة الانسان باجر تضوي من وجه الامام
بدولة القائم .... ماكو أي ظالم
بالمحبه مفعمه .... يا لثارج فاطمه
?????
بدولة ايعم الامان و يرجع الحق لهله
يسوي مرقد للزجيه امن المدينه الكربله
بكل شبر موكب ينادي يا هلا و مية هلا
و الكره الارضيه تهتف توّه كون الله حله
بمرقد الزهره .... نلطم و نقره
فاطميه الخاتمه ... يا لثارج فاطمه
?????
التعلیقات