يالدفعتم بابي (مكتوبة) - باسم الكربلائي
قصيدة : يالدفعتم بابي ماحسبتوا
للشاعر : آدم الحسني
الرادود : الحاج ملا باسم الکربلائی
ليلة ١٧ جمادى الأول ١٤٣٩هـ _ الفاو
يالدفعتم بابي ما حسبتوا حسابي
******
ظليت اسل مهندي و انطرله كل ليله
عن دفعة البا و كسر ضلع امي احجيله
وعد الله اني المنتظر صبري انهدم حيلعه
و الحارق الباب بحقد من سيفي يا ويله
هي غيبه وراجع
بالعذاب الواقع
ما يدوم غيابي
******
خل يسمع القايل و إن فاطم اعصرها
و اللي رفع صوته بغضب و القال اسطروها
عمر الشمش لو غربت تطلع انطروها
جيش الغضب راجع وأن كلكم تنكروها
الما عرف حق داري
منه اخذ ثاري
بسيفي ارد و كتابي
******
كل ليلة امي فاطمة يبني تناديني
كسر الضلع ما ينجبر يالمهدي ياذيني
جف السطر عيني بحقد ماخذ نظر عيني
قتلها ايام و أرد فقاري بيميني
راح ارد بسيفي
منكم اخذ حيفي
عمره طل مصابي
******
ما حاسب حساب العصر امي و دخل داري
يفلان يالكاسر ضلع بيك ابتدي بثاري
صبح و مسه بعيني الكسر و بجفي فقاري
وناتي آيا فاطمة يا رحمة الباري
ادري دم من عيني
ابجي طول سنيني
و الدمع محرابي
******
امن فلان و فلان السبب دم تجري دمعاتي
من دفعة الباب ابتدت صفحة معاناتي
طبرة علي و جبد الحسن كل ذني ثاراتي
ذبحة ابوي بكربله و تسليب عماتي
ونتي بأيامي
يا حسين الظامي
يالذبحتوا احبابي
******
خليت اساس الكربله من عصرة الزهره
تدعيلي زينب بالعجل امر الله انتظره
يا ثار ابويه المنذبح باجر قرب فجره
متهيا بجيش الرعب وينه القطع نحره
حيدر بحملاتي
منتظر ثاراتي
عن قريب جوابي
******
زينب تنادني العجل يا عمه ادركني
ما الومه من سوط الشمر خدري انسلب مني
عمك يغايب عالنهر طاح و بعد عني
من جفه قوم اخذ العلم يا عمه و اقصدني
عمه شيل الرايه
يالغيابك آيه
التعلیقات