يا زمن وين الأحباب (مكتوبة) - باسم الكربلائي
قصيدة : يا زمن وين الأحباب
للشاعر : كرار حيدر الخفاجي
الرادود : الحاج ملا باسم الکربلایی
طور : ليلة_وداع_يعباس
ذكرى هدم البقيع ٨ شوال طهران موسسة أنصار الإمام الحسين ع
يازمن وين اﻷحباب والله مليت العتاب
يمته نشتم التراب .. يمته نشتم التراب
******
لیش الي نحبهم نصير بعاد عنهم
يازمن والله كفر تحرمنه منهم
ملت أحجاراتهم من كثر ونهم
ياحسافه عاشوا الغربه بوطنهم
أمنيه بخاطري تدور
بس أقبل هالگبور
أوگف ودمعي سچاب
يمته نشتم التراب ..
******
یازمن أحبابنه جرحوا گلبهم
وبگبرهم هدموا عليهم گببهم
والله لوتدري شكثر گلبي يحبهم
تسوه عمري يازمن شمة تربهم
گلبي ناداهم بصوت
الفرگه أصعب من الموت
راسي من الهضم شاب
يمته نشتم التراب ..
******
يازمن نحت ودفنت الابتسامه
هذا ياليل اليمر اگدر أنامه
ريت گلبي ينذبح من الملامه
زحمه أسلم واﻷئمه بلا سلامه
للي سكنوا عيوني
بالله يانفسي هوني
جرحي ينزف ولا طاب
يمته نشتم التراب ..
******
امفارگ ولیلي يذكرني بهجرهم
ما أنام وأگعد مگابل صورهم
الله لا ینطیك ظالم يادهرهم
ليش ممنوع اعله أي زاير يمرهم
والذي امفارگ ایعیش
لو وصل ینمنع لیش
للغوالي القلب ذاب
يمته نشتم التراب ..
******
يازمن ليش اليجي وبدمعته يزور
بس يبوس التربه يسمع عابد اگبور
لیش متقدرون حال الگلبه مکسور
شمایسوي اعله اليحبهم هذا معذور
العنده واحده فلا يهون
واللي عنده اربعه شلون
أربعه صواب على صواب
يمته نشتم التراب ..
******
الليله خاف اطيح يمهم دمعه حمره
گول للصادق إجت تلطم الزهره
وعله ابنها تنوح والفاتحه تقره
تزوره وبماي الورد تغسلّه گبره
تضوي شمعه بدمعها
بچفها تلزم ضلعها
والضلع بعده منصاب
يمته نشتم التراب ..
******
الزمن مايسوه العتب عيشني غربه
زمن قاسي فارگ ابين اﻷحبه
المهدي آخر أمل ظل وبروحي أندبه
فرج اللهم بي عن ذوي القربه
من يرد غايه عندي
أصبح بجيشه جندي
سيفه من الأغراب
يمته نشتم التراب ..
التعلیقات