لیلة 5 محرم (مكتوبة) - باسم الكربلائي
قصیدة : بده وزن القصيدة...عله دمعة حميدة
الرادود : الحاج ملا باسم الكربلائی
بده وزن القصيدة...عله دمعة حميدة
طير الشر نعاها...مسلم ما إجاها
******
طفله وتنظر اطفال العشيره...كل والد شبگ بنته الزغيره
بس هيه بگت مثل الأسيره...صاحت فگد الوالد جبيره
وهي جانت حبيبه...بدت تشعر غريبه
لا طارش لفاها...مسلم ما إجاها
******
متعوده بحضن والدها تغفه...لو فزت يمد اعليها جفه
عودها ومشه واعليها كلفه...ميت لو عدل هم ما تعرفه
مشه طول غيابه...تنام اعله الترابه
مخنوقه بهواها...مسلم ما إجاها
******
ساعات ولفاهم ناعي ينعه...وحسين انكسر قلبه اعله وضعه
صاح وكل بني هاشم تسمعه...جيبو لي حميده ويجري دمعه
جابو له اليتيمه...شعرت بالهضيمه
تتعثر خُطاها...مسلم ما إجاها
******
جابوها لجن كلش حزينه...قلها يا هله ببنتي الحنينه
قعّدها وخفه عنها ونينه...قالت له مته الوالد يجينه
بقه خالي مكانه...وأنا أشتاق الحنانه
بأحضانه خذاها...مسلم ما إجاها
******
قال إلها أبوج آنا ونعمي...قالت له ونعم منك يعمي
بس آني زغيره وتدري همي...ما أغفه إذا ما هوه يمي
وأنا عيني الطريقه...دقلي بالحقيقه
دنية بلا ضواها...مسلم ما إجاها
******
أبويه وعمي قالت له مقامك...لكن أسمع اصياح بخيامك
يا عمي ومرد قلبي كلامك...شو تمسح على راسي علامك
إذاً هذي علامه...صرت اويه اليتامه
نكبه وما وراها...مسلم ما إجاها
******
صاحت والجفن يجدح شراره...يا ربي انهدم قصر الإمارة
يا ويلي انذبح راعي السفارة...جروه بالحبل والله خسارة
فلا يخلص نحيبي...وأنا ذبحوا حبيبي
خل تنصب عزاها...مسلم ما إجاها
التعلیقات