نخيت (مكتوبة) - باسم الكربلائي
قصيدة : نخيت و جاوبت عونك
️للشاعر : ايهاب المالكي
الرادود : الحاج ملا باسم الكربلائی
المناسبة : استشهاد مسلم ابن عقيل
الزمن : ليلة 5 محرم 1440 هـ
هيئة شباب علي الأكبر - لندن
نخيت و جاوبت عونك
انه الما خيب اضنونك
حياتي فدوة لعيونك
حسيناه
الي بقلب القصر ضجه
رغم جوره و رغم نهجه
لقيت اسمك عليه حجه
حسيناه
*****
دخلت الكوفة ما قلت الحذر واجب
على وجهي ملامح زود ابو طالب
سفير الثورة رحت الدولة الناصب
اسألهم أما للحق من صاحب
عدوي تحير بأمره
خشب حكمه و انه الجمره
انه الهم الشغل فكره
و تحداه
رعبت الحاكم الظالم
بده يحس الخطر قادم
وعدتك ما ارد سالم
حسيناه
*****
دخلت و خصمي جان محصن بشركه
مثل دخلت محمد من فتح مكة
ادور و الحقيقة خيوط مشتبكه
رسائلهم خداع انكتبت بحبكة
انه ابين الوجوه اسأل
اقللهم حسين اقبل
ردت كلمة صدق تحمل
موساه
قصصهم ما رضت تعرق
جفوا و اتبروا امن الحق
و انا ابكل نفس اشهق
حسيناه
*****
اليلاقيني بدت تتغير الوانه
يحذر من مشيتي الساد بيبانه
وعدهم ذاكه يا وسفه بخبر كان
يا هو الاذكره يقلي مو أنه
خلف وعده و نسه الجلمه
الوعد ما يبايع دمه
بعد ما جف حبر قلمه
تناساه
خذل دينه و طوه الصفحة
و ضميره الما قبل يصحه
رغم منك طلع صبحه
حسيناه
*****
غريب و صرت اشوف الموت عنواني
بقه دين ابرقبتي موقفي الهاني
خلت بيه الدروب ابين عدواني
يميز حيرتي المن وجهي يقراني
سكن ليلي و طفه شموعه
عليه الخطوة ممنوعه
يواسيني صبر طوعه
على الآه
كثر جانوا و انه الوحدي
كأن الكل نفس جندي
يسألوني و قلت ردي
حسيناه
*****
هجموا بس تناسوا واجهوا قائد
ميداني المرجال كلشي بي وارد
تعبت الجحفال و المدد شاهد
حتى امن خطي واحد ينجرح واحد
ترجوا للحرب هدنه
و انه امن آل النبي و عدنه
نأمن حتى بالضدنه
عرفناه
مثل تكفير ابن ملجم
مجرم يهمس المجرم
و انه ابينها مسلم
حسيناه
*****
حتى امن ابعد يظل صبرك ابالي
يا ريت اقدر احمي ظهرك الخالي
الي يمك طلب و اتمنى يجرالي
بعد يحسين ما اوصيك بأطفالي
بحساس الابو تدري
اريد احضنهم الصدري
لاجن سلمت امري
الى الله
اذا تنظر طفل وحده
وحيد و دمعته ابخده
بس اسأل ابو عنده
حسيناه
*****
رغم الموت لاكن فكري ظل يمك
تروالي ابحوافر خيلهم دمك
اذا وحدك منو باجر يجر سهمك
لعطرك من يوصل نفسي و اشتمك
انه الاجلك نذر عمره
يوارث هيبة العترة
انه الوجهك الف ذكره
الي وياه
سلامي الكل جرح عندك
اسلم و انتظر ردك
يمن باجر تظل وحدك
حسيناه
التعلیقات