مشاي مشاي (مكتوبة) - باسم الكربلائي

قصيدة : مشاي اروح الكربلا

️للشاعر : عمار هليل الواسطي

ليلة 26 محرم 1440 الفاو

مشّاي مشّاي أروح الكربله

*****

يوم أربعينــك أَلَـبّــي دعوتـك

مشايه يحسين أجــي لزْيارتك

تأمرني مولاي  أذوب بخدمتك

يا مالك الروح يـهـيــبةْ أُمّــتـك

ملهوف ملهوف يبن عقد الوله

مشّاي مشّاي أروح الكربله

*****

كل المواكب بعدهه اعله الوعد

تدريهه كل عام إلك تكتب عهد

خيرك غطاهه يمن خيـــرك مدد

وفّايه ويّــاك عليـهـــه الله شهد

تتلگه كل ضيف هلا وميّةْ هلا

مشّاي مشّاي أروح الكربله

*****

خليهه لجْـــدام فرض هذا وِجَبْ

بس بطريقك شفت راحــــه التعب

عمري الخدمْتَك يبو اليمه إنْوهــب

وهواي الاسباب أريد أذكر سبب

شفت اعله دربك تعب عمري حِلا

مشّاي مشّاي أروح الكربله

*****

أرفعلي رايــه وأحس صوتك إلي

تشد حيلي مولاي تگلّــــي ما يلي

عـــون اللهّ ويّاك ومحمــد وعـلـي

والروح يحسيــــن تعـبـهـه ينجلي

وكل مشي الايام يصير اشْمَسْهله

مشّاي مشّاي أروح الكربله

*****

شفت الكرامات أنا بهذا الدرب

يوم أربعينك يسهّل كل صعب

كل بيت بيتي أبد ماكو غُرُب

چي إنته محبوب توافي كل محب

عنّاي عنّاي عشگ گلبي امْتَله

مشّاي مشّاي أروح الكربله

*****

بعيوني يحسين الك صورة عشگ

بعـــون اللّه مايـوم يـغـالـي نفترگ

دفــتـــر حـيــاتــي أريـــده ينطبگ

واني ابطريقك مثل شمعه أحترگ

والروح والروح شفتهه إمْدلِــلَـه

مشّاي مشّاي أروح الكربله

*****

للـــبــــاري أدعــــي آلهي أتوسّلك

ينطيني توفيق أجي وأوصل إلك

مولاي يحسين مُــنــاي إمواصَلَـك

وتگلّي روح الحبـــيــــب إيْسجّلك

ممنون ممنون الك يبن العُلا

مشّاي مشّاي أروح الكربله