لاني قادر أنساك (مكتوبة) - باسم الكربلائي
قصيدة : لاني قادر انساك
️للشاعر : ناظم الحاشي
الرادود : الحاج ملا باسم الكربلائی
ليالي الأربعين - هيئة الصديقة الطاهرة
ليلة 25 صفر 1440 -هـ - الديوانية
لاني گادر أنساك .. لاني ميّت اوياك
سَهر ليل بالجفون .. دمع نار بالعيون
*****
شنسه منّك وانته أول عشگ مسموح
واني أول گلب عاشگ بيك مجروح
الف وَاربع ميِت عام وهامت الروح
شلون اذا شوفك حبيبي اگبالي مذبوح
گلبي هذا يحسين يرفض يهوه مرتين
ولاعاش بالضنون دمع نار بالعيون
*****
نور ابوك ونور أمك بيك يحسين
يعني جامع بيك ربك نور شمسين
انته يالكعبة وجودك من هالاثنين
كل صلاه يعني ابضريحك عن صلاتين
اول وآخر انسان نحرك يقره قرآن
والاملاك يشهدون دمع نار بالعيون
*****
انته سر جدك محمد بيك مكنون
يعني بعد اسم الجلاله اسمك ايكون
عني مجنون ابمحبتك خل يگولون
مادرو مكتمل عَقله البيك مجنون
عمري بعده ساعات رتل حُبّك آیات
عشگ خاص يعرفون دمع نار بالعيون
*****
اعطش او أنظر الوجهك چنك اوياي
والخجَل ياخذني منك وترك الماي
كون گد اسنيني كلها ازيارِتك هاي
حته كل ايام عمري أگضيها مشّاي
عنها التمشي زوّار ربك حرّم النار
ولايوم يخسرون دمع نار بالعيون
*****
شيعتك يوم اربعينك رفعت الراس
تشرب امن ايد الزچیه الماي بالكاس
وأبد ماچن بالمواكب تاكل الناس
كَلت من مائدة مَريم بيد عباس
خدمه عنها مشهود كلشي بيها موجود
سلاطين يخدمون دمع نار بالعيون
*****
زار عرْش الله اليزورك هذا معلوم
وابختم نور النبوه وجهه مختوم
وابوسِم يوم أربعينك دمه موسوم
وبأمر فاطم جهنّم منها مفطوم
فاطم تحظر وياه واسمه يمها يلگاه
سجل بي اليزورون دمع نار بالعيون
*****
من ازورك چنّي أذَكرك بالجره اوصار
ياخيم وثياب بالطف حرگت النار
ويا احبال ابچف رقيّه تركت آثار
واذكر ادموع العليله ابوحشة الدار
وأذكر حرْگ الخْيام وانظر دمع الايتام
وأثر سوط بالمتون دمع نار بالعيون
*****
ويه مهدي العصر باچر عينك اتشوف
تاخذ ابثار المناحر لجلك اسيوف
وثار صرخات السَبايه ابيوم الاطفوف
وثار عبدالله الرضيع وثار الچفوف
نرجع نفتح اِكتاب مصدر حَرْگَة الباب
منو الچان يحرگون دمع نار بالعيون
التعلیقات