عظم الله لك الأجر علي (مكتوبة) - باسم الكربلائي
القصيدة : عظم الله لك الأجر علي
️الشاعر : علاء عبد الحسين الكربلائي
الرادود : الحاج ملا باسم الکربلائي
شهادة الرسول - هيئة الصديقة الطاهرة
ليلة 26 صفر 1440 -هـ - الديوانية
عظَمَ اللهُ لكَ الاجَرَ علي
******
اليوم روح الهادي صعدّت للجليل
نواسي گلبك جينه والمدمع يسيل
احنه ولد حسين واولاد الكفيل
البقيه ابدمعتك حامي الدخيل
ذا عزاء الطفي في خطبً جلي
*****
نبجي مثلك سيدي لسيد الانام
تسري جمره بكل گلب من الخيام
وانكسرنه كسرة اجناح الحمام
وللنبي تل الحزن يرسل سلام
ونداءُ الهمِ قهراً يعتلي
*****
بحجرك الليله حبيب الزهره مات
تيتم التسبيح بعده والصلاة
واحنه مثلك بعده ما ردنه الحياة
لوالد العتره نكسر ظهر الفرات
في تخوم العرش جمراً يصطلي
*****
بكل شبر بالكاع منصوب العزاء
مو عجب تمطر دمه اعيون السماء
تبجي عينك والوحي يردد نداء
مات ابو القاسم ختام الانبياء
وتواسي بالاسى خيرُ ولي
*****
وسفه والهادي ندفن تحت التراب
وصاب گلبك يا علي سهم العذاب
احمديه الدمعه تجري بهالمصاب
يعني ضلع ام الحسن تانيته باب
لا تسل ماذا جرا يا سائلي
*****
شگال گلبك من سمعت بهالخبر
تشعر بهامك يبو حسين انطبر
يبجي ابو اليمه اعله جده امن النحر
ودم تصب عالمشرعه عيون الكمر
ونعى الدمعُ سراج الاملي
*****
شلون لفيت النبي بذاك الجفن
يتم الزهره ورحل بحر السنن
جرحه عايش بينه وبطول الزمن
نواسي گلبك بالدمع يا بالحسن
ان في ذاكَ عزاءاً ازلي
التعلیقات