ذكرياتي (مكتوبة) - باسم الكربلائي
قصيدة : ذكرياتي
️للشاعر : علي الخفاجي
الرادود : الحاج ملا باسم الکربلائی
المناسبة : ليلة 18 محرم 1440 هـ
المكان : حسينية الحاج داوود العاشور
ذكـــريــاتـي بالـطفـوف يـابوفاضل
رمـح لــو رايـه أشوف يـابوفاضل
*****
أذكــر الأيــــام والـعـشـره الطويله
وأگعـد أحسب ذكـرياتك لـيـله لـيـله
مـالـي غـيـرك يابـوفاضل أشتكيله
والـله دنـيـه الخـلـتك تنسه العقيله
كلشي لـعـيونك يـهـون يابوفاضل
حـتى لـو تعمه العيون يابوفاضل
*****
أمـشــي وي راسـك يـبـركــان الحميه
وأسحگ أجــروح الزمـن والغاضريه
زينب أخـتـك يــا بـوفـاضل مــو سبيه
وبــأســمـهــا تـــسـمـه تــل الـــزينبيه
زيـنـب وكـل الـخـوات يابوفاضل
عالمرمل يـمشن حفات يابوفاضل
*****
مـن تـشوفـك ورده ذبــلانـه بغصنها
زيـنـب أخـتـك عالـنياگ يطول ونها
هــذا كـلـه وبالـيسر تحـرس ضعنها
وراسك الفوگ الرماح يحامي عنها
شلون أعيش ابـلا هواك يابوفاضل
أنـسـه گـلـبي لـــو نساك يابوفاضل
*****
ثـنـيـن وأثـمـانـيـن أسـيــره واليتامه
كـلـهــم يـلــوذون بــجـنـاح الحمامه
لـيـلــي بـعــدك يابوفاضل مـا أنامه
وبالحـبـال مچـتـفـه أطيور السلامه
بالـدرب نـمـشـي ونطـيح يابوفاضل
وراسك أسـم الـلـه يصيح يابوفاضل
*****
زيـنـب وكــل الــخـوات مـلـوعـيهـا
والـمـحـامـل تـمشي وتـعـايـن عليها
الطفله من توگع رمح راسك يجيها
عـدل مـيـت يابوفاضل تحـدي بيها
يـمـشـي ويـانـه العليل يابوفاضل
وأنـت بضعـونك كفيل يابوفاضل
*****
أمشي روح بـلا جـسـد يمك شفتني
مـن مـتـت ويـاك بالـطـف موتتني
حـيـره بالـطـف يابـوفاضل حيرتني
أعـثـر وأنخاك والسـوط عله متني
مــا يـمـربعـيـوني خوف يابوفاضل
وأنــه أشـگـف بالچفوف يابوفاضل
*****
راســـك عــلـه الــرمــح رتــــل آيـه آيـه
مــن مـشــت ويـــاك قـــافــلـــة الــسبايه
ويــن أروحــن وأنــه صـبري بلا نهـايه
أمشي وي روس أخـوتي الكلهم ضحايه
تدري گلب أختك حنين يابوفاضل
مـثــل گـلـب أم الـبـيـن يابوفاضل
التعلیقات