لينه يملك الموت (مكتوبة) - باسم الكربلائي
القصيدة : لينه يملك الموت
️الشاعر : قحطان الحسناوي النجفي
ليلة 5 صفر 1440
لينه يا ملك الموت رجعها رجعها
عدنه امانة حسين ودعها ودعها
*****
ماخذ رقية ابجرح بلواها
واشافت ابأيام دنياها
عدنه امانه حسين خلاها
زينب فراق الطفله يفجعها
*****
هالطفله بس چم يوم خليها
من ترجع الكربله و واديها
يم قبر ابوها حسين مر بيها
خيصير يم عبدالله مضجعها
*****
عاين يـملك الموت حالتها
بالسوط مجروحه طفولتها
تندفن تالي بهاي غربتها
يم قصر أمية الجرحه روعها
*****
بس عـالدلال حسين علمها
وشصار بيها ابحرقة اخيمها
ما بين نار وسوط يهضمها
اشلون الترافة النار تلسعها
*****
اجروح الحسين الف وتسع ميه
زائد جرح غربة المسبية
وجه البراءة ايغيب تاليه
وابفرگتة العايله يصدعها
*****
شبگت الراس اتشوفها انته
منظر وداع الطاهرة ذكرته
چفها طلع من الكفن شفته
من العيون يسيل مدمعها
*****
راس الحسين اعيونك اتصدله
آخر نفس بي شمته الطفله
ما اجه ليها راس عبدالله
من قبل ما وردتها تقطعها
التعلیقات