عمري انطوة (مكتوبة) - باسم الكربلائي
القصيدة : عمري انطوه
الشاعر : سيد سعيد الصافي الرميثي
الرادود : الحاج ملا باسم الكربلائي
المناسبة : الليالي الفاطمية الثالثة 1440
في ديوان الكفيل - لندن
عمري إنطوه و ابلا ضوه
امسه بغياب ام الحسن داري
و بدنيتي يا وحشتي
اجبر مصابي بمدمعي الجاري
ماتت احلامي
ظلمة ايامي
******
طفه الموت شمس عمري
بألف حيف اودعها
والعيون جمر هلت
عالخدود مدامعها
و الأقدار امر حتمي
بالأخلاص اطاوعها
للگبور شلت روحي
بجنح ليل اشيعها
و اتحيرت لمن رحت
ادفن بديه زهرة سنيني
صرحي انهدم صحت ابألم
يا فاطمة عن صبري عذرني
هاجت الآمي
ظلمة ايامي
******
يأذاون رسول الله
اليريدون أذييتها
و ينالون رضا الباري
اليقدسون ثنيتها
اشد يوم كسر گلبي
خبر يوم منيتها
ابصبر جان امر و اصعب
تلقيت وصيتها
اكتم امر و اخفي الگبر
عند الغُسل لتجرد اثيابه
يا حيدره لو تنظره
يجرح ضميرك يا علي صوابي
و الگلب دامي
و ظلمة ايامي
******
من الناس منو مثلي
على الصار صبر عدها
يعصرون شمس بيتي
علي تصيح و اشاهدها
و انه شلون صبر عندي
عالتراب اوسدها
صحت گوم تلگاها
اجت ليك يوالدها
من الاثر اخذ الخبر
عصرة حقد يالهادي عصروها
كسر الضلع و تهل دمع
عين الذي بالسطرة طفوها
و اهوت اجدامي
و ظلمة ايامي
******
اسمعت صوت و انه ادفنها
بألم جان و اظن حنت
يبو حسين تره زينب
يتيمه خوفي لا فزت
يزهراء صحت ريتج
تشوفين خيم شبت
و الأيتام على البيده
من الخيل لمن هجت
يم الحسن نار الفتن
اهل السقيفة بيوم شبوها
و الكربله للعياله
يوصل لهبها النار رادوها
حرگت اخيامي
و ظلمة ايامي
******
و الفراگ كسر خاطر
فلا يوم على بالي
يزهراء صحت بعدج
بگه البيت وحش خالي
و انه شلون اصد بابه
من الباب سگم حالي
و صدى الآه من الزهره
اوصيك على اطفالي
حكم القدر و ظلم الدهر
واحد بعد واحد منيانه
و المفخرة بالآخره
اشرينه الكرامة و بعنه دنيانه
مبدأ ايماني
و ظلمة ايامي
******
يهالناس كسر گلبي
اعله هالحال صعب جبره
و الغروب يذكرني
عالمصاب اجر حسرة
المسه يلوح و انه اولادي
يحنون على الزهره
يسألون و انه المثلي
يگولون صعب عذره
و اتعذرت و اني شفت
بنت النبي جدامي ضربوها
لو ما أمر احمل صبر
داري الاعادي شلون وصلوها
بيدي صمصامي
و ظلمة ايامي
******
يهالباب جرح يومك
نزف ثارك يظل نزفه
الى حين يجي الغايب
بالگلوب فلا يشفه
و لا حيف بعد ينفع
و لا آه و لا وسفه
الك نار تشب بينه
بالدموع فلا تطفه
ما تنطفي و لا تكتفي
من البجي و النوح عالبضعه
و المنتظر راعي الفخر
يمته ينادي الثار و نسمعه
امجرب اقدامي
و ظلمة ايامي
التعلیقات