شيعوها فاطمة (مكتوبة) - باسم الكربلائي
القصيدة : شيعوها فاطمة
الشاعر : حاتم صبر الكاظمي
الرادود : الحاج ملا باسم الكربلائي
المناسبة : الليالي الفاطمية 1440
حسينية قصر الزهراء - الكاظمية المقدسة
يا ملائكة السمه
شيعوها فاطمة
******
يا ملائكة الجلالة
اهبطوا بهالليلة
بالمدامع بالمصيبة
عينوا حامي دخيله
علي من بعد الزجيه
ظهره فاكد حيله
خله بجناح نعشها
جبرئيل يشيله
عينوا حماي الحمه
شيعوها فاطمة
******
كل ملامح هالمصيبة
بدمعته مطبوعه
و الجبل طوله تراهو
الزهره تحن ضلوعه
خلي اسرافيل ينزل
عالجنازة بروعه
لا يطش اعله الورد ورده
خل يرش دموعه
و المدامع من دمه
شيعوها فاطمة
******
هذا ستر الله و حجابه
وي علي تشيلونه
نعش و البي ريحة الله
بالنعي تشيعونه
من بعد روح الزجيه
علي صار شلونه
تارس جناح الملايك
من دموع عيونه
بيها روحه هايمه
شيعوها فاطمة
******
علي نزّلها بقبرها
و ايتناثر نوره
وجهه شافوا صار اصفر
و حالته مخطورة
نزلت جفوفه يويلي
ضلوعها المكسورة
شاف من عدل جفنها
عينها المسطورة
شاف حاله مؤلمة
شيعوها فاطمة
******
شحالته الله يساعد
علي بلا عافيته
راحت عيونه و ضواها
من فكد ام بيته
راح جف هواي غالي
و افتقد حنيته
رخصت الدنيه اعله حيدر
من دفن حريته
حزنه كلمة اترجمه
شيعوها فاطمة
التعلیقات