Loading...
القصيدة : سولف يا ظلام الليل
الشاعر : حمزة السماوي
الرادود : الحاج ملا باسم الكربلائي
المناسبة : الليالي الفاطمية 1440
هيئة الصديقة الطاهرة - الديوانية
سولف يا ظلام الليل
ليش القصة مضمومه
اول بت رسول تموت
بين الناس مظلومة
******
خلصت ماكو بيكم ناس
رحمة و ما لگت رحمة
مو كلشي النهار ايشوف
رحنه انعاتب الظلمة
من حرب الكسر للموت
يا ليل افضح الأمة
من عقدوا سقيفتهم
و من باعوا ديانتهم
و اتناسوا حقيقتهم
صوت الليل لو مسموع
يا كلمات مكتومه
******
ما بايع علي من صاح
صاحوا يا علي اتبايع
وحيدر ما تهمه ارقام
عاشر جان لو رابع
بس شاف الصنم انسان
و كلشي انگلب بالواقع
يا ليل النجم واضح
نسكت ليش و انسامح
عدنا الرايح ما رايح
تعرف قاتل الزهراء
عندك ندري معلومة
******
يا ليل شكثر تبجي
جانت فاطمة بوكتكك
وكت الفرض تدعي بأيد
سولف و احجي اللي بذمتك
و ايد اعله الضلع جانت
ابصلاة الليل و ابوكتك
شفت عيونها الزهره
سوادك يشبه السطرة
هاذي تسمع الحسرة
مخبوص بهدوئك ذيب
ما يگدر على الگومه
******
شلونك من تشوف حسين
كاعد و الحسن ينحب
واحد يبجي يم الباب
واحد باللطم يتعب
ما اسألك اكيد تگول
ما شايف وصف زينب
ما سامعها من تنعه
حتى محجبه الدمعه
كلشي ممكن تسمعه
بس كلشي و لا زينب
حتى بحزن محشومه
******
اخر شي شفت يا ليل
ام الحسن دفنتها
و لا واحد دره و لا شاف
و انته تشوف تربتها
بس تفاجى الكرار
لمن شاف سطرتها
ايده اعله الضلوع تمر
شاف الضلع متكسر
بالله شلون هم يصبر
صاح بصوت يا زهراء
گلبي زادت همومه
******
راحت فاكمة يا ليل
درب الموت ما رجع
بعد ايام مر بالدار
بس صوت البجي تسمع
باجر كربله عدنه
وكلشي باجر توقع
و اليوم بغداً ينعاد
و الاحفاد بالأجداد
تبقه اعله الترب اجداد
و انته تشهد أمن يصير
جسم حسين عالحومه
******
يا ليل بضلامك عيش
و اعمي عيونك بروحك
و احسب بالنجم غلطان
لازم احسب جروحك
ابقه الفاطمة ابجي
حتى الفجر وي نوحك
باجر يطلع المضموم
و يبيّن منو المظلوم
و انگلهم كفايه النوم
من يرجع ابو صالح
يا ليل انتظر يومه
التعلیقات