بصبرك عاش (مكتوبة) - باسم الكربلائي
القصيدة : بصبرك عاش
الشاعر : حاتم صبري الكاظمي
الرادود : الحاج ملا باسم الكربلائی
المناسبة : الليالي الفاطمية 1440
هيئة خدمة علي الأكبر - مرقد الحر الرياحي - كربلاء المقدسة
ابصبرك عاش جم ايوب
يوم الشيعت روحك
على الزهره يبو الحسنين
تملي المقبرة ابنوحك
******
صبر ايوب بمصابك
العشر صبرك مايوصلك
صابر على الزهره شلون
يا حيدر جرح كلك
احس بالعافيه صعبه
على الفاقده تندلك
يالمشيع ضوه سنينك
مدري انته المشيعنك
الدنيه ماتت بعينك
الدمعه توضت ابخدك
عمرها ابقد عمر نوحك
******
من استرجع ايامك
اقولن هو معقولة
الكاسر ظهر كل صنديد
عجيبة منكسر طوله
علي للمثلك استنغرب
اصبر من يقلوله
نظر عيناك شو خيب
و ظهرك منحني و حدّب
شصايرلك يبو زينب
لجن حقك على الزهره
تموت انجان مسموحك
******
مرابع حيلك بيا صوت
مصابك يا علي يهدها
و روحك من بعد روحك
بس الله اليساعدها
اشيهود الشاف غاليته
زراق الصاير بخدها
مكان القرط دم نابع
شفت بالناظر الدامع
الضلع من تالجسد طالع
عجب ما وقفت انفاسك
يحيدر من كثر نوحك
******
و منهار و نهارك صار
بعينك ميته شمسه
جم موته يغالي تموت
ضلعها لمن تلمسه
يفغرون كال بالتابوت
نفسه شيعت نفسه
تمشي و صدق تتعثر
من شوكت يا حيدر
لجفنك ليش دم احمر
و دم صدر الزجيه يسيل
لو تنزف دم احمر
******
ادفنت ضحكاتك الحلوة
وسط القلب عمرك راح
و صورة فاطمة ابعينك
بس هاي اللي ما تنزاح
حقه اليفقد اعزازه
يا بو حسين ما يرتاح
رجعت الدار خيعونك
المنيه غيرت لونك
الدمع مستوطن عيونك
و دون السافر الميعود
سلامة ما ونت لوحك
******
الله يساعد جروحك
الفاطم هيج تتألم
شلون و لو شفت زينب
تركض وسط المخيم
تشوف ابنحر اخوها حسين
تصبغ راسها بالدم
لون شايفها ارد اسال
بجالك يا علي شيحصل
بناتك ركبن الهزل
جروحك تنقبض مرتين
بجرح السبي و مذبوحك
التعلیقات