إمساك (مكتوبة) - باسم الكربلائي

القصيدة : إمساك
الشاعر : حمزة السماوي

الرادود : الحاج ملا باسم الكربلائی
 المناسبة : استشهاد امير المؤمنين علي (ع)
 الزمن : ليلة 20 رمضان 1440 هـ
المكان : حسينية الحاج داود العاشور

امساك امساك
عن شوفة علي ناده المنادي
امساك امساك
و انشلت عسن ايد المرادي
******
طر الفجر خوف ورعب
و الموت حد اسنونه
ميت ابويه لو عدل
بس جاوبوني اشلونه
ريحة دمه و ريحة غدر
ريحة صبر مدفونه
اتفاؤلوا بالخير المثل
يا خير بعد اعيونه
بحماك بحماك
يا ربي صحت ارحم فؤادي
امساك امساك
و انشلت عسن ايد المرادي
******
من قبل ساعة من طلع
عينه الي تتلفت
اشدد حيازيمك قره
و قلبي بقه يتصنت
بالمسجد يأذن صعد
روحي تسمعي او ردت
هلبت يرد هلبت يجي
تعبت احجاية هلبت
الگاك الگاك
هيهات و گمت البس سوادي
امساك امساك
و انشلت عسن ايد المرادي
******
صدفه اختلف وجه السمه
ابعاصفة و اتراب احمر
بهالحالة مرة شاهدت
من ضلع امي اتكّسر
قرآن رحت اقره حرز
عالفلق تبجي الكوثر
معناها هسه اتأكدت
مفلوقه هامت حيدر
انخاك انخاك
يا موتي اشكبر بعده حدادي
امساك امساك
و انشلت عسن ايد المرادي
******
قلقانه و ازداد القلق
و النفس يصعد ينزل
مرتبك بالكوفه الوضع
و اسمع قطام اتهلهل
اتصوّب ابويه اتيقنت
و انطر يرد للمنزل
العالج الدنيه ابسيرته
صعبة علاجه انحصل
املاك املاك
نزلت تنحب الأعظم قيادي
امساك امساك
و انشلت عسن ايد المرادي
******
بالباب جنت امتانيه
و جروحي صارت زحمه
ذولاك اخوتي و ولادي
بالگوه يرفع جدمه
يمكن علي لا مو علي
يا ربي هاي الهضمه
و ابثوب الابيض من مشه
احمر رجعلي ابدمه
بدماك بدماك
اركض جيت اشبگك لا ارادي
امساك امساك
و انشلت عسن ايد المرادي
******
اتمدد على افراش الأجل
عينه جعلها ابعيني
يومين گلي و ارتحل
بويه بعد عذريني
و ابجاه طوله اندعي
لا طوّل الله اسنيني
گلي البگه ابجبد الحسن
و ابنحر راس احسيني
وياك وياك
گتله بويه خذني و دمعي حادي
امساك امساك
و انشلت عسن ايد المرادي
******
عايفنه ابويه الكربله
بيد الگمر تسليمه
بنت البيوت المزهره
تالي تظل ابهيمة
عباس ما ينغر الي
محتار عفته ابضيمه
دنيه تخلي حرمله
يحرگ عليّه الخيمة
رحماك رحماك
يا رب من يهجمون الأعادي
امساك امساك
و انشلت عسن ايد المرادي