انزل يا جبريل (مكتوبة) - باسم الكربلائي

القصيدة : انزل يا جبريل
الشاعر : حاتم صبري الكاظمي
المناسبة : ليلة 10 محرم 1441 هـ
المكان : حسينية ديوان الكفيل (ع)-لندن

إنزل يجبريل ابعَجَل ... وافرش الجنحين
بدموع عينك يا مَلك ... لِمْ جثة حسين
حسينا حسينا واحسين
*****
سِتأذِن الباري يا مَلَك من غير تأجيل
انزل لخوية حسين جسمه من الارض شيل
طَشرَت من عندة الجسم بالحافر الخيل
خوفي قِطع من لحمه توصل للصواوين
*****
جبريل حالي بهالوضع تعرِف و تعلم
خوفي بحوافر خِيله ذاك الي تهجم
توصل اعظام حسين يم باب المخيم
من عطر دمه تعرف الغالي النساوين
*****
راح و فُگد أخبارة دلالي خَليصة
جبريل ولهذا الطلب جداً حريصة
أِنْ! ما لگيت ضلوعه رجعلي قميصة
و لم بقميصه لو لگيت اعظامه هالحين
*****
جبريل لو لَميت جسمه جيبه الية
أما قميصه من نَصيب أمي الزچية
غَطي بجَنَاحَك جسمه لَتشوفه رقية
وسكينه خوفي تموت لو شافته بالعين
*****
واغسل المنحر من تهل عينك الدمعه
أُوصيك لا تنسه اذا جسمه تجمعه
دورلي فوگ الگاع يا جبريل اصبعه
طمني واخبرني يزينب لا تخافين
*****
ناده يبت حيدر سَهل أرفع الذبحوه
شاء الله يبقه اثلث ليالي و ما يدفنوه
يا ستر عرش العفه وخيالچ يشوفوه
(قربان لله) احسين متوذر تحضنين