فاطمية (مكتوبة) - باسم الكربلائي
منذ ٤ سنوات١Kمشاهده
لطمية فاطمية مكتوبة
الرادود باسم الكربلائي
فاطميه .. كل حياتي فاطميه
الدنيه بالنسبة إليه بكلمة راح احچيهه
بس ليالي فاطمية وغير شي ما بيهه
تلث روايات بعددهه كل سنة احييهه
دنيتي ابلا فاطمية والله ما اشريهه
فطرة بيه .. الله جاعل فطرة بيه
عادتي من أنطي كلمة اوفي بيها لازم
عادتي من أنطي كلمة اوفي بيها لازم
وكلمة للزهراء منطي أبقه إلهه خادم
ماكو عندي خطوط حمره الا مجلس فاطم
كل حياتي فاطمية لحد ظهور القائم
بالوصيه .. بگبري كِتبوا بالوصيه
هي اسم اعله مُسمى امن الخطر تعصمنه
باچر امن النار يعني فاطمة تفطمنه
بهالليالي ندعي ربنه منهه لا يحرمنه
فاطمة اُّمنه الحنونة والنعم من أُمنه
هناكه هيه .. تشفعلنه هناكه هيه
والّلي عن گلبي سألني ارد اوصل فكره
گلبي مو للبيع گلبي وقف بيد الزهره
إلهه مو بالخمسة ابصم ابصملهه بعَشره
عشرتي وياهه ذمة وما أخون العِشره
للزچيه .. وقف عمري للزچيه
اگعد بمجلس عزاهه بحرگة ابچي وانعه
فاطمة تستاهل الهه صدري اكسر ضلعه
الـذابحه كسرة ضلعهه امن البچي شيشبعه
عين يعگوب انه عندي ابّيضت امن الدمعه
هالرزيه .. عذبتني هالرزيه
اشكر الزهرة بصلاتي لو ردت يوميه
إلهه لو كل يوم اشكر هم احس شويه
هيه بس خدمتهه نعمة من نعمهه اعليه
الزهرة غرگتني بفضلهه راسي حد رجليه
بالهويه .. عني إقروا بالهويه
بهيچي ايام وليالي لو هلي ايضيعوني
بمجلس الزهراء اخدم لو ضعت يلگوني
بالبچي قانون عدنه ويختلف قانوني
أبچي بس للزهرة حصراً عودتهه عيوني
لو عليه .. اعمي عيني لو عليه
ودارن بعدچ لا خيم ظلن ودارن
دما وعيونه هلن ودارن
مصايب بابچ انعادن ودارن
يم الحسن يوم الطف علييه
الحزن من يوم ما رحتي خيمنا
بغربة بلا ولي ولا ظل خيمنا
انسبينا ونارهم حرقت خيمنا
ومثل شدة مصابي اشصار بيه
التعلیقات